فيديو| منة فضالي عن ارتدائها "مايوه": "أنا حرة"

قالت الفنانة منة فضالي، إنها ليست لا تتعامل مع الناس إلا بوجه واحد، وأنها تربت على ألا تكون منافقة أو مجاملة، وهذا عرضها لمشاكل كثيرة.
وقالت "منة" خلال لقائها في برنامج مساء dmc: "أنا مش هغير مبادئي وأنا عندي دلوقتي 38 سنة، بقول سني عادي مش هنضحك على الناس، أنا داخلة مجال التمثيل 2002، وكان عندي 16 سنة، محدش يخجل من عمره، مش كل الناس هتتقبل منة، ومش كل الناس هتكره منة، أنا علاقتي بزملائي سطحية شوية، انطوائية، أنا بحب رانيا يوسف وهي صديقة ليا وبكلمها أغلب الوقت، أنا اتخميت في أصدقائي وضربوني في شغل، مثلا كنت ماضية مسلسل وعندي تصوير ليه وبحكي مع زميلة، لقيتها بعد كده بتعمل الدور وعرفت من المخرج أنها مشتني من المسلسل، والقصة دي حصلت معايا كتير جدا، وفيه ناس بتكون مش حاباني وسلطتهم أكبر ونجوم أكبر، وكلموا الناس تمشيني، وده طبيعي".
وأضافت منة في لقائها مع الإعلامية إنجي القاضي، أنها ترتدي "المايوه" في حياتها الطبيعية، لكن تخجل الظهور به في المشاهد السينمائية: "أنا حرة في حياتي الشخصية لكن معرفش أطلع بالمايوه قدام الجمهور وأنا خاسة وكاشة جدا فلو لبست مش هكون ملفتة، حتى صحابي بيقوليلي إنتي هربانة من المدرسة".
وشاركت منة فضالي في موسم رمضان الماضي 2021 بمسلسل "نسل الأغراب" بطولة: أحمد السقا، أمير كرارة، مي عمر، أحمد مالك، وهو من تأليف وإخراج محمد سامي.