"غلابة وكنافة وروحهم غايبة".. نجوم الفن يعلقون على تعادل المنتخب مع جزر القمر

تفاعل نجوم الفن مع تعادل المنتخب المصري سلبياً مع نظيره منتخب جزر القمر في التصفيات المؤهلة لكأس الأمم الأفريقية 2021.
وقدم المنتخب المصري أداءً مخيباً للآمال وفقًا لنجوم الفن، ونرصد لكم في هذا التقرير أبرز ما قاله النجوم..،
أحمد فهمي
كتب الفنان أحمد فهمي، عبر حسابه بموقع تويتر: "المشكلة مش في إحنا بنلاعب مين أو غياب صلاح.. المشكلة في التشكيل والاختيارات وعدم وجود خطة واضحة والأهم غياب الروح".
كريم العدل
نشر المخرج الشاب كريم العدل رسالة كتب فيها: "المنتخب الأوليمبي اللي تحت 23 سنة.. كان ممكن يلعب تصفيات البطولتين ويتصعد أول في الاتنين، برضه، منتخب الغلابة".
محمد العدل
المنتج محمد العدل علق في بداية المباراة قائلاً: "هو مينفعش نعيد توزيع السلام الجمهوري.. يبقى مشدود أكتر من كده.. ويدي حماس أكتر من كده؟؟؟".
ندى بسيوني
الفنانة ندى بسيوني، كتبت تغريدة مقتضبة على موقع تويتر: "منتخب مصر؟؟".
ياسمينا العلواني
ونشرت الفنانة الشابة ياسمينا العلواني تغريدة كتبت فيها: "من غير زعل مع حسام البدرى مش هنشوف خير".
مصطفى بسيط
كتب نجم مسرح مصر، مصطفى بسيط: "احنا من ساعة ما أبو تريكة والجيل ده اعتزل وكل ما نتكلم على المنتخب يقولك في مرحلة بناء، العيب فى الخامة اللي معانا.. فى اللعيبة دي مش كلها تستحق أصلا إنها تلعب كورة، مش تلعب فى نادى وتلعب كمان في المنتخب، منتخب مصر كنافة، حاله إحباط".
وكتب في تغريدة آخرى: "والله والله لو جبنا مورينيو وجورديولا مع اللاعيبة دى ما هيعمل حاجة.. المشكلة الأساسية معندناش لعيبة مؤهلين للعب فى المنتخب والمنافسة الأفريقية".