رانيا فريد شوقي تكشف عن تفاصيل تجهيزات مئوية "ملك الترسو" -فيديو

قالت الفنانة رانيا فريد شوقي إنها متعلقة بشكل كبير جدًّا بوالدها الفنان الراحل فريد شوقي، قائلة: "اللي بيني وبينه حب فظيع؛ لأن فيَّ كتير أوي منه، وهو دايمًا كان بيقول لي أنا باشوف نفسي فيكِ، وأُمِّي بتقول لي إننا فولة واتقسمت نصّين، والعظيمة هدى سلطان كانت بتقول لي يخرب عقلك أنتِ شبه أبوكي بالحتة".
وأضافت رانيا، خلال حوارها مع برنامج "معكم منى الشاذلي" المذاع عبر فضائية "سي بي سي"، اليوم الأربعاء، أن هناك ترتيبات مع الدكتورة إيناس عبد الدايم وزيرة الثقافة؛ لإحياء الذكرى المئوية لميلاد ملك الترسو فريد شوقي، موضحةً: "بنحط خطط كتيرة ولسه المئوية في 2020، ولكننا عايزين نعمل حاجة تليق بفريد شوقي؛ لأنه مش مجرد فنان عادي، ففنه ما زال عايش وعمل قوانين لفنه خدمت المجتمع، وكان مهموم دايمًا بقضايا بلده".
وتابعت الفنانة: "عايزين مئوية فريد شوقي ماتكونش مجرد حفلة كده وخلاص؛ ولكن هنعرض أفلامه وندوات عنه، وأتمنى ده يحصل في بلاد عربية كتير كمان".