السيسي عن شائعات ضد الرئاسة والجيش: "الأجهزة بقالها 10 أيام بتقولي متتكلمش"

قال الرئيس عبدالفتاح السيسي، إن الأجهزة في الدولة المصرية حاولت إقناعه على مدار 10 أيام ماضية بعدم التعليق على المعلومات التي تم تداولها خلال الفترة السابقة وتضمنت محاولة إساءة لمؤسسة الرئاسة والقوات المسلحة.
وأضاف السيسي، خلال المؤتمر الوطني الثامن للشباب، اليوم السبت: "كل الأجهزة قالولي لو سمحت متتكلمش، كادوا يبوسوا إيدي.. والنبي ما تعمل كده، قولتلهم اللي بيني وبين الناس هي الثقة، هما مصدقيني، أنا لو سكت عنها ده أخطر حاجة في الدنيا".
وتابع الرئيس: "كل ست كبيرة في السن بتدعيلي في البيت أسيبها إزاي محتارة.. تقول إيه الحكاية بتاعتك، أنت كده ولا كده، فعلًا الحاجات اللي اتقالت دي أنت عملهتا ولا معملتهاش".
وأكد الرئيس: "بقالهم 10 أيام يبوسوا في إيدي ويقولوا لأ، بس لأ.. العلاقة بيني وبين الناس اتبنت على حالة معينة لو حد حب يضربها ده أخطر ما في الموضوع".
وانطلقت اليوم السبت، فعاليات المؤتمر الوطني للشباب في نسخته الثامنة والمنعقد بمركز المنارة للمؤتمرات بالقاهرة الجديدة، بحضور الرئيس عبدالفتاح السيسي، والدكتور مصطفى مدبولي، رئيس مجلس الوزراء، والدكتور علي عبدالعال، رئيس مجلس النواب، وعدد من الوزراء وكبار رجال الدولة، فضلًا عن مشاركة 1600 شاب من مختلف القطاعات في الدولة.
وتتضمن فعاليات المؤتمر -والذي يعقد على مدار يوم واحد فقط- 3 جلسات أهمها جلسة إسأل الرئيس والتي يجيب فيها الرئيس عبدالفتاح السيسي، على تساؤلات المصريين على الهواء مباشرة.