رامي صبري: "الألبوم الجاي هيبقى فيه 5 أغاني دراما"

كشف المطرب رامي صبري عن تفاصيل ألبومه الجديد، كما أجاب على عدد من تساؤلات الجمهور عبر صفحته الشخصية بموقع "إنستجرم".
وعلق: "بيوصلني مسجات كتير أوي وبشوف كومنتات كتير أوي على إنكم عايزين الشغل الجديد يبقي زي الفترة الأولي اللي هي ألبوم حبيبي الأولاني وغمضت عيني، يعني عاوزين أغاني هادية كتير".
وأضاف: "أولا أنا بعمل أغاني هادية كتير جدا في كل ألبوم لأني بحبها، وثانيا عشان عارف إن الجمهور الأكبر بيحب الأغاني الرومانسية والدرامية".
وتابع: "لكن لما بتيجي تعمل ألبوم، بتلاقي إن لازم نعمل كل الأنواع عشان كمان يبقي فيه تنوع أكثر في أشكال الأغاني وعشان الأغاني السريعة تشتغل في حفلات وأفراح ومناسبات الجمهور يسمع الاغاني في كل الأماكن".
وأضاف: "أنا كمان كفنان مصري أقدر أنافس وأكبر اسمي بحتاج نوعية الأغاني السريعة عشان دايما الأغاني السريعة هيا اللي بتقدر بيها تخلي الناس تفرح أكتر مثلا زي الآخر أغنيه مبروك علينا، فمعلش إني مبعملش كل الألبوم أغاني هادية عشان الأسباب اللي قولتها في البوست".
وأشار: "الألبوم الجاي هيبقي فيه 5 أغاني دراما إن شالله، وأخيرا أتمني التوفيق والنجاح دائما لكل الناس".
View this post on Instagram
صباح الخير جمهورنا المحترم بيوصلني مسجات كتير اوي وبشوف كومنتات كتير اوي علي انكم عايزين الشغل الجديد يبقي ذي الفتره الاولانيه اللي هي البوم حبيبي الاولاني وغمضت عيني ... يعني عاوزين اغاني هاديه كتير .. اولا انا بعمل اغاني هاديه كتير جدا في كل البوم لاني بحبها اولا وثانيا عشان عارف ان الجمهور الاكتر بيحب الاغاني الرومانسيه والدراميه .. ولكن لما بيتيجي بتعمل البوم بتلاقي ان لازم نعمل كل الانواع عشان كمان يبقي فيه تنوع اكتر في اشكال الاغاني وعشان الاغاني السريعه تشتغل في حفلات وافراح ومناسبات والجمهور يسمع الاغاني في كل الاماكن وعشان انا كمان كافنان مصري اقدر انافس واكبر اسمي بحتاج نوعيه الاغاني السريعه عشان دايما الاغاني السريعه هيا اللي بتقدر بيها تخلي الناس تفرح اكتر مثلا ذي اخر اغنيه ( مبروك علينا) فا معلش اني مبعملش كل الالبوم اغاني هاديه عشان الاسباب اللي قولتها في البوست .. والالبوم الجاي هيبقي فيه 5 اغاني دراما ان شالله .. واخيرا اتمني التوفيق والنجاح دائما لكل الناس ... رامي صبري
A post shared by Ramy Sabry (@ramysabry8) on Jan 22, 2019 at 1:54am PST