"القمر البدر" يثير جدلاً على مواقع التواصل.. "كده هنفطر 25 رمضان؟"

حالة من الجدل ظهرت ملامحها على وسائل التواصل الاجتماعي، بسبب تداول مستخدمي المواقع صوراً وفيديوهات للقمر في السماء، وهو يبدو شبه مكتمل في طور "البدر" باليوم الثاني عشر من شهر رمضان.
وشكك البعض في الرؤية الفلكية لهلال رمضان، وهل إعلانه في مصر والدول العربية كان مبكراً، وهل شابه بعض القصور، متسائلين عن تفسير الظاهرة وعلاقتها بالرؤية الشرعية وإعلان بدء الصيام.
وعلى موقع فيسبوك، تساءل "محمد فضل" في استنكار عن سبب اكتمال القمر الليلة بدلًا من ليلة (13) و(14) رمضان، وكتب تحت صورة للقمر في السماء يبدو مكتملاً: "القمر مكتمل الليلة دي واحنا 12 رمضان المفروض وضعه ده يكون يوم 13 أو 14 معني كده إن رمضان كان المفروض الأربع.. وأنا لاحظت ده من أول يوم ف رمضان كان الهلال أكبر من المعتاد بس قلت عادي بس دلوقتي مش عادي خاااالص واللي عاوز يتأكد معايا يشوف القمر الليلة دي"، ليرد عليه "Alaa Dragon": "إحنا ملناش دعوة هما اللي هيشيلو ذنبنا بس هيستفيدو إيه لو كان يوم الأربع وخلوه الخميس؟"
فيما وصفت الكاتبة الصحفية "غادة الشريف" تلك الحالة ب "النسئ" وتلاعب فى مواعيد بدايات الشهور الهجرية على غير الحقيقة، وكتبت: "القمر الليلة دى بدر واحنا لسه 12 رمضان !!! معنى كده إننا كان المفروض نبدأ الصيام 16 مايو مش 17 مايو !!.. اللى بيحصل ده اسمه النسيء اللى هو اللعب فى مواعيد بدايات الشهور الهجرية على غير الحقيقة فنقدم ونؤخر حسب الهوى.. ربنا نهى عن النسيء وقال "إنما النسيء زيادة فى الكفر".. كده يبقى ذنب صيامنا الخاطئ على مين؟".
وسخر "أحمد عبدين" من حجم القمر الليلة معتبرًا عيد الفطر هذا العام سيكون في ال (25) من رمضان، وكتب: "بحجم القمر الموجود الليلة فالعيد السنة دي هايكون يوم 25 رمضان"، وشرح محمد عبدالوهاب الظاهرة من وجهة نظره: "إمبارح لو بتركز في السما يعني ومن هواة الفلك كنت هتلاقي القمر شكله كده بدر، full moon كامل، و إحنا في يوم 11 تقريباً، في حين إن المفروض القمر بيكون في أوج إكتماله ما بين 14-16، إن المفروض إحنا في طور الwaxing gibbous moon أو طور الأحدب المتزايد. وفيه ناس كتير مرعوبة علي صيامها وناس تانية بتنشر دجل والقمر جاله انتفاخ وحاجات تخاريف يعني بما إن الناس متلخبطة يعني فحابب أوضح حاجة: أطوار القمر بتتعرف من حاجتين، ميعاد ظهوره و اختفاؤه ودرجة لمعان القرص. مسألة الشكل دي خادعة جداً ولذلك حكاية تحديد الشهر بالرؤية بالعين المجردة دي بتعمل مشاكل ضخمة... القمر امبارح كان لمعانه 97% في نص الليل.
ورغم شكله الخادع إلا أنه فضل موجود لحد 3، فهو أحدب متزايد يا جماعة مش بدر ولا حاجة. البدر بكرة آخر اليوم، فما تثقوش في الرؤية العينية يعني عشان هتتغفلوا كتير"، فيما علقت "Asmaa Elgarhy ": "حوار النسيء دي مش داخل دماغي وازاي عدي علي المسلمين الأوائل وكانوا أولى بتصحيح الخطأ ده؟!!!! وضح لو سمحت".
وعلى تويتر أثير نفس الجدل، كتب Muhammed Shaaban: "النهارده 12 رمضان .. القمر بدر ! .. الفجر بيأذن مع السعوديه وبعد كام يوم هيأذن قبل السعودية اللي الشمس بتطلع فيها قبلنا !! يا ترى فطرنا كام يوم السنادي؟ .. المنظر دا منظر 15 رمضان .. مستحيل يكون القمر كدا يوم 12 في الشهر!"
وغرد Ehab@DaNenja ساخراً: "كل دولة بدأت رمضان في يوم مختلف وفي أوروبا في نفس المدن الناس مبدأتش مع بعض وحالياً القمر مكتمل "بدر" مع ان ع النتيجة نص الشهر لسه مجاش وصلاة الفجر من يوم 16 هتبقى في القاهرة قبل مكة".