في أول أيام رمضان..محمد محمود عبد العزيز يتذكر والده بكلمات مؤثرة

في أول أيام شهر رمضان الكريم، نشر الفنان محمد عبد العزيز، نجل الفنان الكبير محمود عبد العزيز، صورة له بجوار والده، عبر صفحته الشخصية بموقع انستجرام، وعلق عليها بكلمات مؤثرة.
وعلق الفنان الشاب قائلا: "كل سنة وحضرتك طيب وبخير يا أبويا وصاحبي وأخويا وكل ما ليا، أتمنى تكون هدايايا بتوصل لحضرتك، وأتمنى إني أكون مشرفك وربنا يقدرني وأفضل مشرف حضرتك لحد ما ربنا سبحانه وتعالى يجمعنا ببعض على خير".
وأضاف: "وزي السنة اللي فاتت وطول ما أنا لسه على وش الأرض، عايز أهدي لحضرتك كل حاجة بعملها سواء إنتاج أو تمثيل أو أي حاجه كويسة بعملها وتبسطك، أو أي خير بعمله زي ما علمتني، وبرضه بهدى لحضرتك صيامي وكل ركعة وكل حرف هقرأه من المصحف الشريف، ربنا يتقبل مني ويقدرني وأبقى ربعك في أي حاجة".
واختتم قائلا: "رمضان كريم، كل سنة وحضراتكم جميعا بألف صحة وسلامة وخير وربنا يريح قلوبكم ويفرحها ويشفي كل مريض ويرجع كل بعيد ويصبر أي واحد موجوع، ويهون علينا جميعا بحق الشهر الفضيل، أسألكم الفاتحة والدعاء لأبويا ولكل من رحلوا عنا".
يذكر أن محمد محمود عبد العزيز، يشارك في السباق الرمضاني ببطولة مسلسل "فوق السحاب"، وهو من بطولة هاني سلامة، عفاف شعيب، إبراهيم نصر، إيهاب فهمي، أحمد عبد الله محمود.