نجل محمود عبد العزيز يتذكره بكلمات مؤثرة: بهدي لك صيامي

شارك الفنان محمد نجل الساحر الراحل محمود عبد العزيز، جمهوره بكلمات رثاء عبر حسابه الرسمي على موقع "انستجرام" في أول رمضان يمر على وفاة والده.
وعلق قائلا: كل سنة وحضرتك طيب وبخير يا أبويا وصاحبي وأخويا وكل ما ليا، أول مره فحياتي ماتكونش معايا وقدام عنيا طول المدة دي بس برضه كل سنه وحضرتك طيب لأني حاسس أنك بخير وفي مكان أحسن من اللي احنا فيه بكتير.
وتابع: وعايز أهدى لحضرتك كل حاجه بعملها سواء إنتاج أو تمثيل أو أي حاجة كويسه ممكن أعملها وتبسطك وأي خير بعمله أو بحاول أني أعمله زي ما حضرتك علمتني والسنة دي بهدي حضرتك صيامي وكل ركعة وكل حرف هقرأه من المصحف الشريف اللي حضرتك ماكنتش بتسيبه، ربنا يتقبل مني ويقدرني وأبقى ربعك في أي حاجة ورمضان كريم.
واستطرد: كل سنة وحضراتكم جميعا بألف صحة وسلامة وخير وربنا يريح قلوبكم ويشفي كل مريض ويرجع كل بعيد ويصبر أي واحد موجوع ويهون علينا جميعا يارب بحق الشهر الفضيل، أسألكم الفاتحة والدعاء لأبويا ولأمواتنا جميعا.