علا الفارس تكشف لأول مرة عن فيديو لها من داخل غرفة العمليات

خضعت الإعلامية الأردنية علا الفارس خلال الأيام الماضية، لعملية جراحية دقيقة في ظهرها، أجرتها في مدريد.
ونشرت علا الفارس عبر حسابها على موقع انستجرام، مقطع فيديو خلال تحضيرها لإجراء العملية، وخلال تواجدها في غرفة العمليات.
وعلقت على الفيديو برسالة طويلة تحدثت فيها عن إجراء العملية وتفاصيل إصابتها بالإنزلاق الغضروفي، حيث قالت: "الحمدلله عملت عملية انزلاق الغضروف والدِيسْك في الظهر العامود الفقري بعد معاناة سنة كاملة ولأنها عملية دقيقة وأي خطأ فيها ممكن تدفع ثمنه باقي عمرك ولكل اللي سألوني، برجع بقول اسألوا منيح ما تسلموا حالكم لأي حد العلم والطب تطور صارت الأمور أسهل".
وأضافت: "وأهم درس إنه مرحلة بعد العملية أهم شيء النقاهة وما تتحركوا كتير وتشربوا الدوا وطبعا يختلف حسب الجسم، أنا هلا لسه في الريكوفري بس الحمدلله بألف خير وعم بعمل علاج طبيعي لأقدر امشي واقعد بكل أريحية.. بدي اعترف اني ما بحب الضعف ولما شفت غرفة العمليات بكيت يمكن لآني ما بحب اشوف حالي ضعيفة.. بس بروفسور غسان كان كتير رائع وحسسني بالأمان وهذا أهم شي إن الطبيب يريح مريضة قبل وبعد العملية فتحية لكل إنسان مثلة لسه عنده شرف و حب المهنة.. شكرا كتير بروفيسور أنت أخ وصديق وإنسان محترف".
واختتمت: "شكرا لأخوي ومراته لكل أهلي هون في مدريد اللي جننتهم وتعبتهم معي.. شكرا متابعيني الصادقين اللي عاشوا معي الأسبوع الصعب وما وقفوا سؤال عني.. والحمدلله حتى يبلغ الحمد منتهاه... كل يوم بعرف قيمة كتير أشياء لكن طول عمري بتمنى الصحة والعافية لانها هي الأساس.. وأكثر دعاء رددته هو ان الله يطول بعمر أمي وإخواني .. رح أضل أقلكم أهلكم أهلكم هم بس الأصدق في قوتكم كما ضعفكم ما بغيرهم الزمن.. إن شاء الله تكونوا دائما بخير".
A post shared by Lola (@olaalfares) on Jan 31, 2018 at 2:58am PST