زوجة تطلب الخلع :" خلاني أسهر مع أصحابه مقابل المخدرات"

داخل جدران محكمة الأسر بمدينة طنطا بمحافظة الغربية تقف" أسماء.س، ع" أمام النيابة تنتظر تحديد معاد جلسة الخلع من زوجها .
"دي هيبقي أسعد يوم في حياتي يوم متخلع منه" قالتها أسماء وهي تتلقي موعد تحديد الجلسة وتروي ل " مصراوي" قصتها مع زوجها التي دفعتها الي رفع قضية خلع بعدما رفض تطليقها.
تقول أسماء انها تزوجت وكان عمرها 18 عام من "م.م.ش" فرد شرطة ومنذ بداية زواجها الذي استمر 11 عاما وأنجبت منه بنتين ، كان زوجها سئ المعاملة لها ولبناتهم فلم يكن يتحمل مسئولية مصروف المنزل وكان دائما يشتري طعاما فاخرا وجاهز من خارج المنزل ولا يسمح لها او لبناتها الاكل معه قائله " كان يقولنا مشي نفسك بأي حاجة انا راجل وبشتغل وكان يأكل لوحده ويسبنا".
واستكمل أسماء روايتها" الاكل والمصارف مقدور عليها كنت بمشي نفسي أنا والعيال فعلا علي قدنا لكن الي مقدرتش استحمله انه يخلي قعدات شرب الحشيش بتاعته هو وأصحابه عندنا في البيت و كان بيطلب مني احط مكياج والبس لبس ضيق وادخل اقعد، و أسهر مع صحابه واهزر معاهم وممكن الموضوع يزيد عن كدا ويوصل لمعاشره عادي مقابل انه ياخد منهم المخدرات من غير فلوس".
تسترد الزوجة وهي تبكي " الموضوع دي حصل كتير وكنت لما اعترض يضربني بشكل بشع لحد موصلت لمرحلة اني بناتي كبرو بخاف يكونوا هما الضحايا الجدد ليه الي يبيع مراته يبيع بناته بسهولة فقررت اني أطلق ولكن معرفتش أثبت عليه حاجة من دي ومكانش قدامي غير الخلع عشان خاطر بناتي ".