سما المصري مهاجمة شيرين عبدالوهاب: "العيب على اللي لسه بيقول عليكي فنانة"

هاجمت الفنانة سما المصري، المطربة شيرين عبدالوهاب عبر صفحتها الشخصية بموقع تبادل الصور والفيديوهات "انستجرام"، معتبرة أن شيرين أساءت في حق مصر، في حفلها الذي أحيته في لبنان.
ونشرت سما صورة قديمة لشيرين قبل الشهرة إلى جانب صورة حديثة لها للسخرية منها، وعلقت عليها: "إن كنتوا نسيتوا اللي جري، الله يرحم أيام الكحرتة، الأخت الفنانة شيرين في واحدة في حفلة طلبت منها أغنية (مشربتش من نيلها)، فردت عليها وقالت لها (هيجيلك بلهارسيا)، والكلام دا موجود في فيديو مش من عندي".
وتابعت: "دي صورة الأخت الفنانة شيرين أيام ما كان عندها بلهارسيا أيام ما كانت بتشرب من مية النيل قبل ما تتعلم إنجليزي، وتعرف تقول اسم المية المعدنية بالإنجليزي، اللهم يرحم كنتي زمان فاكرة الليبتون دا رئيس أمريكا وكنتي فاكرة الكريسماس دي آيس كريم إنتي اللي قولتيلي كده فاكره".
وأضافت: "المية دي اللي خلتك شيرين والعيب مش عليكي العيب ع اللي لسه بيقول عليكي فنانة ونجمة وإنتي طايحة في خلق الله مرة عمرو دياب ومرة شريف مدكور".
واختتمت كلامها: "بلد البلهارسيا ما تنفعش تعيش فيها واحدة زيك بتاعت مية معدنية وفساتين براندات وبارفانات وحاجات سيبي دا للغلابة".