لافتة بقنا تحمل اعتذار مراهق لحبيبته تثير غضب الصعايدة

قنا– أبو المعارف الحفناوي وأسماء حجاجي:
تداول مستخدمو موقع التواصل الاجتماعي "فيسبوك" صورًا للافتتين بمدينة قنا، توضح اعتذار شخص لحبيبته، مكتوب عليهما "كل سنة وإنتي معايا"، و"والله العظيم بحبك أنا أسف" في ظاهرة تعد الأولى من نوعها في محافظة قنا، وفقًا للعادات والتقاليد القبلية لأبناء المحافظة.
وحول هذا، قال سيد عوض، أستاذ ورئيس قسم الاجتماع بكلية الآداب بجامعة جنوب الوادي، إن ما قام به الشاب ظاهرة جديدة على أهالي الصعيد تدل على التخلي عن العادات والتقاليد الحسنة التي يتبعها أهالي الصعيد في هذه الأمور، موضحا أن ذلك يرجع إلى تقليد ما قام به البعض من محافظات الوجه البحري.
وأشار عوض إلى أن هناك عادات تخلى عنها البعض في الصعيد بسبب ارتباط كثيرين منهم بالانترنت، واتباع أساليب افتراضية سيئة، قائلًا "بناخد السلبيات ونسيب الإيجابيات" مطالبا بضرورة الحفاظ على العادات والتقاليد الطيبة وعدم التخلي عنها، لأنها ستؤدي إلى مشكلات عديدة.
وفي سياق مواز، سخر مستخدمو "فيسبوك" من الواقعة، بتعليقات عديدة منها "البنات تلبس بابا نويل في راس السنة في الشوارع والرجالة تعلق يفط حب وسهوكة.. رايحة بينا ع فييين يا قنا" و"أنتو سيبين الموضوع الأصلي وبتتكلموا في أي حاجة مين ده ومين هي لازم ناخد بالتار ياولاد احنا اتفضحنا"، و "يا ساده هو انتو مزعلين نفسكم ليه كل واحد حر يعمل اللي هو عايزه طالما في حدود الأدب وطالما ما أزاش حد فهو حر وان كان الفعل ده من وجهة نظرك انه هيافه وسهوكة فمن وجهة نظره انها حريه شخصية وشيء تانى برضه لكل بنت اكيد في بنات كتير والله كانت تتمنى انها تكون هى اللى اتعملها البانر".
كما علق آخرون، "اه يا بلد الكلام أومال انا سببتها ليه وسافرت من الكلام بتاعكم هو الحب عيب ولا حرام ولا هو نزل صورتها وكتب اسمها والله العظيم ده راجل ومحترم وابن ناس وأي حد فيكم بتمنا يعمل كده ربنا يكرمهم في الحلال اه يا بلد الكلام"، "يا حبيبى يا ضنايا خليك راجل واطلبها من ابوها بدل شغل الفضايح دا البنت حتنزل الشارع ازاى دلوقتى، و " ياناس بطلو حقد واحد بيحب واحدة يمكن خطيبتك الناس تقول الله وأكبر الحب لسه في قلوبنا واحنا قاعدين نتريق على خلق الله".