طريقة عمل ملوخية بالجمبرى

ملوخية بالجمبرى على الطريقة المصرية
عدد الاشخاص :4
المقادير
* 3 x عدد فص ثوم
* 2 x عدد ليمونة
* 2 x معلقة كبيرة زيت ذرة
* 1 x عدد طماطم
* 1 x معلقة صغيرة ملح
* 1 x عدد فلفل أخضر حلو
* 1 x عدد بصلة
* 1 x كيس ملوخية
* 1 x معلقة صغيرة كزبرة جافة مطحونة
* 1 x معلقة كبيرة صلصة طماطم
* ½ x كيلو جمبرى
طريقة العمل
1. اتركى الملوخية تفك تماما قبل الطبخ.
2. ثم قطعى البصل والطماطم والليمون والفلفل الرومى لشرائح.
3. اغسلى الجمبرى جيدا بالماء وصفيه.
4. فى حلة ضيفى الجمبرى والبصل والطماطم والفلفل والليمون وسخنيهم على نار عالية لمدة دقيقة ثم اخفضى النار وغطى الحلة وسيبيها 10 دقائق.
5. صفى المرقة من الخليط السابق واتركيها على جنب. وقشرى الجمبرى واتركيه على جنب.
6. وافرمى الثوم واخلطيه مع الكزبرة والملح.
7. فى حلة ضيفى الزيت وسخنى ،ثم ضيفى خليط الثوم وقلبيهم جيدا إلى أن يتحول الثوم للون الذهبى.
8. وضيفى صلصة الطماطم والملوخية وقلبيهم جيدا.
9. ضيفى مرقة الجمبرى برفق مع التقليب المستمر إلى أن تخلص خلص الكمية.
10. زودى ماء دافئ على الملوخية لضبط الكثافة وغطى الحلة واتركيها على نار هادية لمدة 10 دقائق.
11. ثم ضيفى الجمبرى المقشر على الملوخية وقلبيهم وارفعيهم من على النار.