نشطاء على موقع التواصل الاجتماعى يتداولون معلومات عن ياسمين النرش المعروفة بسيدة المطار

تداول نشطاء على مواقع التواصل الاجتماعي عدد من المعلومات الغريبة عن ياسمين النرش الشهيرة ب"سيدة المطار" التي قالت الداخلية انها محبوسة .
وقال "المحمدي محمد" : ان الفيديو المتصور بتاع ياسمين النرش اللى متصور فى مطار القاهره كان من 8 ايام بالظبط وبعدين ده تسلسل الاحداث من ال8 ايام لحد انهارده
وقال ان ياسمين اتعرضت على النيابه واخدت 4 ايام على ذمه التحقيق وان ياسمين اخدت اخلاء سبيل من النيابه وهى الان دلوقتى موجوده فى فيلاتها وان اول واحد رفع الفيديو على النت ظابط فى امن المطار اسمه (هشام عتمان )ولكن هشام تم تهديدة ومسح الفيديو امس باليل ولكن بعد ما الفيديو كان انتشر على جميع المواقع الاخباريه والموضوع بقى راى عام
وقال ان ياسمين كانت عضوه فى حمله السيسى وان ابو ياسمين محى الدين احمد النرش من كان من اكبر الممولين لحمله السيسى الانتخابيه
وان ياسمين هى زوجه رجل الاعمال رانى مهنى وهو كان من اكبر الممولين لحمله السيسى وان زوج ام ياسمين يبقى (ممدوح البلتاجي) وزير السياحة السابق وقال ايضا ان ياسمين بعد ما قامت بضربت ظابط الشرطه وبثقت على وجة ورش المياه علية وبعد تفتيشها وجدومعها حشيش ومسافره بيه فعلا اخدت اخلاء سبيل
وهى الان قاعده فى البيت
ويقول المحمدى محمد بوص متحولش تحط نفسك مكان ياسمين وتقول ده انا لو اتخانقت مع امين شرطه كان زمانى متعلق من ايدى ورجلى فى القسم لانك عمرك ما هتبقى ياسمين "بحسب زعمه" . وأضاف: اخر حاجه نسيت اكتبها ياسمين وهى فى النيابه شتمت الظابط تانى وقالتله انا ابويا بيصرف عليك وعلى اللى مشغالينك اظن طبعا انتو فاهمين هى قصدها ايه .. مضيفاً: فى خبر على جريده الوطن ياسين اخو ياسمين النرش بيؤكد ان اخته فى الجونه"بحسب قوله" .
فيما قال ممدوح إسماعيل انه قرأ خبراً في احدى الصحف الخاصة يؤكد أن ياسمين محبوسة .. مضيفاً: ثم قرات تصريح لشقيقها ان الواقعة حدثت من اسبوع وان شقيقته المحروسة فى الجونة بالغردقة !!! اقول ايه واعلق اكتب ايه لسانى هايفلت واكتب كلام ياولاد ال....... اترك التعليق لمن يحسنون التعليق المستحق "بحسب وصفه"