شاهد | تفاصيل ذبح كلب شارع الهرم .. انا لم اخنة ؟

 كشف صاحب فيديو الكلب الشهير تفاصيل جديده في خلال لقائه مع الاعلامى وائل الابراشى علي قناه دريم حيث ادلى نصا :-
"أنا نزلت مرة الشارع وكان معايا الكلب، وهو مش مترخص بس أنا مربية تربية عالية، مش هيأذي حد، وفي اليوم دا جري ورا قطة في الشارع، لقيت واحد بيقولي حوش الكلب بتاعك، فقولتله هو مش هيعمل حاجة، فحصلت مشاجرة بيننا، الكلب لما شاف الراجل بيضربني جه وهجم عليه، بس أنا شيلته عنه ومضرهوش".
وتابع: "الشخص اللي اتخانق معايا، اتصل بناس تبعه وفجأة لقيت نحو 40 واحد معاهم سلاح أبيض وجاين يتخنقوا معايا، وأنا لوحدي فسبت الكلب يجري وراهم، وبالفعل جريوا من قدامه، وناديت عليه رجعلي تاني، وأول ما رجع الناس هجمت عليا فهو دافع عني وعض 8 منه.. وفوجئت تاني يوم إن الشخص دا وأصحابه قدموا بلاغ ضدي، وفضلت 4 شهور برا البيت عشان خايف البوليس يقبض عليا، وبعدها عملنا قاعدة عرفية وصالحت الراجل بس الناس اللي معاه اشترطوا عليا إني أسلم لهم الكلب عشان يقتلوه، مقابل إنهم يتنزلوا عن المحضر، حاولت إرضائهم بأي حاجة تانية رفضوا".
وأكمل : "أنا مقدرتش أسلم لهم الكلب، واديته لواحد صاحبي سلمه للأهالي، وشفت اللي عملوه مع الكلب بعنيا ومقدرتش أعمله حاجة، مع أنه كان وفيا لي، كل ضربة نزلت عليه وجعتني أنا".