بعد دعوة استقبال منتخب الشباب .. الفيس بوك للأخوان : هي الكرة بقيت حلوة؟!

أثار الدعوة التي أطلقها شباب الحرية والعدالة باستقبال منتخب مصر للشباب بعد حصوله علي كأس العالم بتركيا في مطار القاهرة لدي وصولهم استياء المتابعين للصفحة الرسمية لحزب الحرية والعدالة.
علق العديد من المتابعين للصفحة الرسمية بتعليقات تعبر عن رفضهم لما نشر حيث قال" وانتم مال أبوكم صحيح" فيما علق أخر علي الاهتمام المفاجئ بالكرة قائلا " دلوقتى الكرة حلوة يا خرفان ما هي كانت وحشة" فيما أشار الأخر أن هذا الأمر يمثل "لزقة" وقال أخر "تفاهة!"
رفض عدد من المعلقين خروج دعوة من الحزب حيث قال " مش الدعوة جاية منكم ابقو قابلونى ان حد راح" بينما قال أخر " وهوه المنتخب ملك اهاليكوا عشان تدعونا ليه" بينما قال الأخر " والله هتفضلو اغبيه فكروا بقااا في حيل جديده تلهوا بيها الناس ..الحجات دى كلها متداسه قبل كداااا" وقال أخر "ده ع اساس ان الشعب مستني دعوتكم مثلا ولا ايه"
أشار البعض أن شباب الجماعة لا يعرفون الوضع الحالي بمصر ويهتمون بالكرة حيث قال أحد المعلقين" شوفوا أحنا في أيه وأنتم في أيه ربنا يكون في عونا" وقال أخر " الناس هتفلس والاسعار في جنون وانتم عايزين الناس تتلهي في الكره؟نفس نظام مبارك"
أكد أحد المعلقين أن الأخوان عادوا ليستعملوا الكرة لإلهاء الشعب حيث قال "هى مش كانت لعبة فى يد الحكومة علشان تشغل الناس عن قضايا البلد والإسلام لكن دلوقتى مشاغل البلد تخص الأخوان فقط لذلك عاوزين تلهو الناس بالكورة مافيش فيكم فايدة مش هاتتغيرو ومافيش فيكم حد نضيف".
وعلي نفس النهج قال الأخر " هي مش كانت الكوره بتلهي الشعب وملهاش لزمه وتضيع وقت وفلوس ولا دلوقتي بقت زي الفل"
أضاف البعض أن هذه سيرا علي نهج مبارك "نفس هبل ايام مبارك...لسه انجازات الرئيس فى الكورة بس منتخب مصر كويس ...زى ما قال الريس ناقص جمال مبارك بس عشان الصورة تكمل".
سخر البعض مما ردده البعض من أبناء التيار الإسلامي بأن الكرة حرام حيث قال " الكوررره حرااااااااااااااااام ،،،، تبا لكم جميعا !" بينما قال أخر " وبعدين هي مش الكوره حرام وللا إيه؟"
قال أخر في سخريته من سير الأخوان علي خطي مبارك " قابل يا معلم هتبدا السبوبة بتاع مبارك وولاده وزي ما قال الريس منتخب مصر كويس وطبل طبل هنكر هنكر" واختتم أخر التعليقات قائلا " هتعملو زي نظام مبارك بلاش تفاهة الله يكرمكم"
يذكر أن المنتخب المصري للشباب حصل علي بطولة كأس أفريقيا للشباب بالجزائر عقب الفوز علي غانا بركلات الترجيح.