ميدو بعد الهجوم عليه بسبب صلاح:"فيه منفسن وفيه عبيط"

عقّب أحمد حسام ميدو المدير الفني للفريق الأول لكرة القدم بالإسماعيلي، على الهجوم الذي تعرض له، بعد تصريحاته عن محمد صلاح جناح روما الإيطالي، بأن الأخير لا يمتلك الكاريزما في الملعب.
مساحه اعلانيه
وكان ميدو قد خرج في تصريحات تليفزيونية، حول إمكانيات صلاح الفنية، موضحا أنه مهاريا مميز، ولكنه لا يمتلك الكاريزما داخل الملعب.
ونشر ميدو عدة تدوينات خلال صفحته الشخصية على موقع التواصل الإجتماعي "تويتر"، موضحا أنه أدلى برأيه حول صلاح بكل صراحة، ولا يخاف من أحد، قائلا "من الطبيعي عندما تدلي برأيك في أي موضوع أن يتجادل الجميع عن ما قلته خاصة إذا كنت مثلي تقول رأيك بصراحة ولا تخاف من أحد، فيوجد الجبان اللي هيستنا يشوف الموجة رايحة فين وهيركبها من غير حتي ما يحاول يفهم أنت قولت أيه".
وأضاف: "أن هناك منفسن و فاكر كل الناس منفسنه زيه وما يعرفش يعني أيه أنك تقول رأيك بصراحة بدون أي حساب، وفيه العبيط اللي مشتاق لكلمة في الإعلام فصحفي كلمه ضحك عليه وخد منه كلمتين عملهم عنوان عريض، وفيه اللي يحاول يفهم أنت قولت أيه ويقيم الموضوع وما يديلوش أكبر من حجمه".
وأوضح: "يعني أيه واحد عنده كاريزما؟؟ يعني واحد شغال في مجال ويخلي الناس اللي مش مهتمه بالمجال ده تهتم بيه وبأخباره الشخصية، يعني ممكن لاعيب كويس يقدر يخلي حتى الناس اللي مالهاش في الكورة حريصة على متابعة اخباره زي بيكهام مثلا، وفيه لاعيب جامد جدا بس ماعندوش الكاريزما اللي تخلي ناس مالهاش في الكورة عايزة تتابع أخباره زي ريفالدو مثلا!!".
واختتم تدويناته ، قائلا "ساعات بتحاول تقول رأي وتلاقي كل واحد ياخده في الاتجاه اللي هو عايزه..لكن بالنسبة لك هيفضل رأيك هو وجهة نظرك الخالصة اللي قولتها وخلاص"