السولية يهاجم الإسماعيلي بسبب حمص

أشاد عمرو السولية لاعب الإسماعيلي، والمنتقل مؤخرا لصفوف الشعب الإماراتي، بزميله محمد حمص والذي أعلن اعتزاله اللعب، حيث أسهب السولية في صفات كابتن الدراويش السابق.
مساحه اعلانيه
وهاجم السولية عبر صفحته الشخصية على موقع التواصل الإجتماعي "إنستجرام"، مجلس إدارة الإسماعيلي، بسبب المعاناة التي لاقاها حمص مؤخرا، من عدم التقدير واحترام .
وقال لاعب وسط الشعب الإماراتي، "مهما اتكلمت عليك وعلى قد ايه انت انضف شخصية الواحد اتعامل معاها فى مجال الكورة واطيب قلب على قد مالواحد زعلان على انك متقدرتش فى بيتك وانك تستحق اكتر من كده ولو انت موجود فى اى مكان تانى كان اتعملك تمثال بس علشان انت محترم وبتحب النادى وملكش فى الكذب ولا النفاق اتعمل معاك كده مش من الكيان لأ من الأشخاص اللى بيمثلوا الكيان وأى حد هيزعل من الكلام ده يبقى منافق عمرى مهنسى بعد مخسرنا من وادى دجله وكانت اول مرة العب قصادك مش جمبك جيتلى وأنا بعيط وقولتلى متزعلش إنتوا إللى هتقوموا النادى تانى ولازم تلموا الفرقه وتعدوا المرحلة دى .بس متزعلش يا حمص الكذب هو اللى بيأكل عيش اليومين دول الناس اللى بتحبك بس عارفين قيمتك .بس ده حال ولاد النادى محدش بيقدرهم . شرف لأى لاعب إنوا إتمرن معاك واتعلم منك الكورة .ربنا يكرمك فى حياتك يا خلوق"
يذكر أن أزمة قد نشبت بين حمص ومجلس إدارة الإسماعيلي بسبب مستحقات اللاعب المتأخرة، والتي طلب أبو السعود أن يتنازل عنها في مقابل التعاقد معه لمدة موسم واحد مقابل 300 ألف جنيه.