تنسيق الجامعات 2025.. التعليم العالي تنشر دليلًا توضيحيًا للتعامل مع الأخطاء الشائعة    عبد المقصود: حزب الجبهة يعمل على تمكين حقيقي للشباب وتصميم كتيب يساعد الطلاب في المرحلة الجامعية    عاجل- قرارات حاسمة في الاجتماع ال52 للحكومة: دعم الأطقم الطبية وتوسيع الطاقة المتجددة وتعزيز التحول الرقمي    محافظ المنيا يتفقد أعمال تطوير وصيانة المدارس ضمن برنامج "المدارس الآمنة"    موعد صرف معاشات أغسطس 2025.. اعرف التفاصيل    «غزة على طاولة النقاش».. السيسي يبحث مع رئيس أركان باكستان تطورات الأوضاع في الشرق الأوسط    روسيا تدين الدعوات الرامية إلى مهاجمة المنشآت النووية في إيران    ترامب: لا أنوي تأجيل فرض الرسوم الجمركية المقررة في الأول من أغسطس    موقف رونالدو وفيلكس من المشاركة أمام تولوز في ودية النمسا    ربيع ياسين عن أزمة عبد القادر: هناك زملكاوية يلعبون بقميص الأهلي.. والأحمر المرشح الأقوى لحصد البطولات    منعا لتكرار أزمة الاهلي وإنبي.. لائحة دوري الكرة النسائية تشدد على توافر سيارة إسعاف    الأهلي يتعاقد مع البرازيلي ميلاجريس لتولي فريق سيدات الطائرة    ضبط سائق ميكروباص للسير عكس الاتجاه وتعريض حياة المواطنين للخطر بالشرقية    عدم قبول الالتماس فى رفض دعوى إثبات نسب طفل لاعب كرة شهير    وزير العدل يلتقي رؤساء محاكم الاستئناف لتطوير منظومة التقاضي    الشركة المتحدة والنقابات الثلاث السينمائية والموسيقية والمهن التمثيلية تنعي الفنان القدير لطفي لبيب بعد رحلة فنية ممتدة.. وتامر عبد المنعم رئيس البيت الفني للفنون الشعبية: فقدنا قامة فنية كبيرة من طراز خاص    إسلام الريحاني يكشف ل"البوابة نيوز" كواليس فوزه بجائزة الدولة التشجيعية في التصوير    محافظ المنوفية يستعرض الموقف الحالي لمنظومة النظافة والمشروعات    تغطية الطرح العام ل "الوطنية للطباعة" 8.92 مرة في ثالث أيام الاكتتاب    هوجو إيكيتيكي يشارك في فوز ليفربول بثلاثية على يوكوهاما وديًا.. فيديو    التحقيق مع صانعة محتوى شهرت بفنانة واتهمتها بالإتجار بالبشر    3 شباب يستدرجون فتاة من ذوي الإعاقة ويعتدون عليها في العجوزة    الداخلية تعثر على طالبة متغيبة بالقاهرة وتعيدها لأسرتها    العثور على دقيقة مفقودة في تسجيلات المجرم الجنسي إبستين تثير الجدل.. ما القصة؟    رسميا.. المقاولون العرب يعلن ضم لاعب الزمالك السابق    حركة فتح: إعلان نيويورك إنجاز دبلوماسى كبير وانتصار للحق الفلسطينى    مصدر يكشف لمصراوي تفاصيل تعديل نظام مساهمة الأدوية التجارية بالتأمين الصحي    رئيس الوزراء: استراتيجية وطنية لإحياء الحرف اليدوية وتعميق التصنيع المحلي    35 ألف طالب تقدموا بتظلمات على نتيجة الثانوية العامة حتى الآن    السيسي يؤكد لرئيس هيئة الأركان الباكستانية ضرورة وقف إطلاق النار وتخفيف المعاناة الإنسانية في قطاع غزة    مي طاهر تتحدى الإعاقة واليُتم وتتفوق في الثانوية العامة.. ومحافظ الفيوم يكرمها    ضبط عاطل و بحوزته 1000 طلقة نارية داخل قطار بمحطة قنا    مدير أمن سوهاج الجديد يكثف جولاته الميدانية لضبط الحالة الأمنية    "زراعة الشيوخ": تعديل قانون التعاونيات الزراعية يساعد المزارعين على مواجهة التحديات    رئيس جامعة بنها يترأس اجتماع لجنة المنشآت    "التضامن" تستجيب لاستغاثات إنسانية وتؤمّن الرعاية لعدد من السيدات والأطفال بلا مأوى    وظائف خالية اليوم.. فرص عمل ب 300 دينارًا بالأردن    الرعاية الصحية تعلن تقديم أكثر من 2000 زيارة منزلية ناجحة    لترشيد الكهرباء.. تحرير 145 مخالفة للمحلات التي لم تلتزم بقرار الغلق    محافظ أسوان يوجه بالانتهاء من تجهيز مبني الغسيل الكلوي الجديد بمستشفى كوم أمبو    215 مدرسة بالفيوم تستعد لاستقبال انتخابات مجلس الشيوخ 2025    أبو مسلم: جراديشار "مش نافع" ولن يعوض رحيل وسام ابو علي.. وديانج يمتلك عرضين    مبيعات فيلم أحمد وأحمد تصل ل402 ألف تذكرة في 4 أسابيع    ما حكم كشف وجه الميت لتقبيله وتوديعه.. وهل يصح ذلك بعد التكفين؟.. الإفتاء تجيب    علي جمعة يكشف عن حقيقة إيمانية مهمة وكيف نحولها إلى منهج حياة    هل التفاوت بين المساجد في وقت ما بين الأذان والإقامة فيه مخالفة شرعية؟.. أمين الفتوى يجيب    ما معنى (ورابطوا) في قوله تعالى (يا أيها الذين آمنوا اصبروا وصابروا ورابطوا)؟.. عالم أزهري يوضح    استقرار سعر الريال السعودي في بداية تعاملات اليوم 30 يوليو 2025    حميد أحداد ينتقل إلى الدوري الهندي    رابطة الأندية: لن نلغي الهبوط في الموسم الجديد    ملك المغرب يؤكد استعداد بلاده لحوار صريح وأخوي مع الجزائر حول القضايا العالقة بين البلدين    ترامب يكشف عن تأثير صور مجاعة قطاع غزة على ميلانيا    استراتيجية الفوضى المعلوماتية.. مخطط إخواني لضرب استقرار مصر واستهداف مؤسسات الدولة    وفري في الميزانية، طريقة عمل الآيس كوفي في البيت زي الكافيهات    فلكيًا.. موعد بداية شهر رمضان 1447-2026    حظك اليوم الأربعاء 30 يوليو وتوقعات الأبراج    لميس الحديدي توثق لحظة فيروز المؤثرة: همست للسفير المصري «أنا بحب مصر» (فيديو)    متابعة تطورات حركة جماعة الإخوان الإرهابية مع الإعلامية آلاء شتا.. فيديو    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



أحمد حلمي يكتب: وقت إضافي


البني آدم بياكل وبيشرب وبينام وبيقضي حاجته في الحمام.. آه نسيت.. وبيشتغل.. طقت في دماغي أحسب حسبه كده عن البني آدم.. كام سنة بينامها من عمره.. الوقت اللي بيستهلكه في الشرب والأكل يطلع كام سنة.. بيقعد في الحمام كام سنة.. وبيشتغل كام ساعة.. قصدي كام سنة.. هاحسبها علي متوسط عمر البني آدم العادي اللي تقريبا بيكون عمره في حدود.. نقول سبعين سنة مثلا.. من أول ما يتولد لحد ما يموت.. نبتديها من أول ما العيل بيتولد.. من خبرتي التي لم تتعد الست سنوات في عالم الأبوة والتي اكتسبتها كأب، عرفت إن العيل لما بيتولد بينام أربع ساعات ويصحي أربع ساعات.. ولما بيصحي الأم بس هي اللي بتصحي معاه.. وأنا بافضل نايم طبعا.. أو بمعني أدق باصحي لمدة ثانية مع أول عياطة للعيل وأرجع أنام تاني أول ما أحط المخدة علي راسي تاني.. أصل أنا كمان خبرة في النوم.. كنا بنقول إن العيل في أول ست شهور بينام أربع ساعات ويصحي أربع ساعات.. يعني بينام حوالي أتناشر ساعة في اليوم وبيصحي أتناشر ساعة.. وده لمدة ست شهور.. يعني.. تلات شهور صحيان وزيهم نوم.. ولما العيل بيعدي الست شهور دول بيبقي خلاص.. زيه زي الكبار.. بينام تمن ساعات في اليوم.. نضرب بقي التمن ساعات دول في تسعة وستين سنة ونص يطلعوا تقريبا.. في الشهر 240 ساعة في الشهر.. يعني في السنة 2880 ساعة في السنة.. يعني في المدة كلها تقريبا 198720 ساعة نوم.. زائد النوم اللي في الست شهور اللي فاضلين يبقي الإجمالي 200160 ساعة في عمره كله.. لو قسمناهم علي أربعة وعشرين هانعرف عدد الأيام اللي بينام فيها البني آدم من أول ما يتولد لحد ما ينام للأبد.. يكون الإجمالي 8340 يومًا.. نقسمهم علي تلتمية خمسة وستين يوم يطلع 22. 849315 سنة.. ده من غير حساب اليوم الواحد والتلاتين من كل شهر.. يعني بالبلدي كده نقول حوالي تلاتة وعشرين سنة.. تلاتة وعشرين سنة نوم.. ده في حالة لو كنت بتنام تمن ساعات في اليوم.. شوف بقي لو بتنام عشرة أو 12 ساعة.. تلاتة وعشرين سنه نوم بس من غير أكل وشرب وتواليت.. نشوف بقي وقت الأكل.. لو بتاكل في اليوم تلات مرات.. والمرة بتستغرق حوالي مثلا عشرين دقيقة.. يعني ساعة في اليوم أكل.. يعني في الشهر 30 ساعة.. يعني في السنة 360 ساعة.. يعني في السبعين سنة 25200 ساعة.. يعني 1050 يومًا.. يعني 2. 8767123 حوالي سنتين وتمن شهور.. قول تلاتة لو كنت مفجوع شوية.. تلات سنين أكل.. نخش بقي علي التواليت.. والتوليت نوعين.. مية وطينة.. وكل حاجة وليها وقتها طبعا.. الإسهال السريع غير الإمساك الشنيع.. هانقول مثلا نص ساعة في اليوم للمية والطينة.. يعني إجمالي سبعين سنة يطلع حوالي سنة ونص من عمرنا بنعمل فيهم تواليت.. سنة ونص تواليت.. أما بالنسبة للشغل بقي.. فممكن نقول لو مثلا بتشتغل 6 ساعات في اليوم يعني في الشهر 180 ساعة.. يعني في السنة 2. 160 ساعة، ولأن طبعا محدش يشتغل أول ما يتولد ولا حتي أول ما يتخرج من الجامعة، فأكيد مش هانضرب في سبعين سنة.. ممكن نضرب في تلاتين سنة.. يبقي المجموع 64. 800 ساعة.. يعني 2700 يوم.. يعني 7. 3972.. قول تمن سنين.. تمن سنين شغل لو كنت هاتعيش سبعين سنة.. يعني إجمالي الأكل والشغل والنوم والتواليت يطلع تقريبا خمسة وتلاتين سنة وخمس شهور.. خمسة وتلاتين سنة للأكل والحمام والنوم والشغل.. تفتكروا الخمسة وتلاتين سنة الفاضلين ممكن يكفوا بقية الحاجات اللي أنا محسبتهاش.. زي السنين اللي بنقعد فيها علي القهوة والسنين اللي بنلعب فيها بلاي ستيشن.. والسنين اللي بنتعلم فيها من غير ما نستفيد من اللي بنتعلمه.. والسنين اللي بنم فيها علي خلق الله.. والسنين اللي بتضيع في الخناق.. والسنين اللي بنقفها في البلكونات.. والسنين اللي بندور فيها علي أماكن لركن العربيات.. وسنين الطوابير.. وسنين بنقنع فيها الأغبياء.. ده غير سنين الوقوف في الإشارات العادية وأمام كاميرات.. وسنين السكات والسرحان.. وسنين في الحقد وسنين في الحزن وسنين في الكآبة والغم وسنين المسلسلات والبرامج والريموتات والفضائيات.. وسنين التفخيد علي الشيزلونجات وسنين مجاملات وسهرات وأحزاب وسياسات وسنين في المحاكم وخناقات وتحكمات وحكومات وسنين في الأقسام والمستشفيات.. وسنين لاتخاذ القرارات وهجرات ووداعات وسلامات وسنين دموع وأحضان وقبلات في المطارات.. ونط وجري ورا الاتوبيسات والميكروباصات.. وسنين في علاج الميكروبات.. ودروس خصوصية وقعاد علي سلالم الكليات وشيشة وكافيهات.. ومين صحي ومين مات.. وأفراح وعزي وصلوات ودعوات.. وسرقه ونهب وفلان خد وكت والتاني مبيقولش غير هات.. طب ليه الدوخة الحسابية دي؟! ما تيجي نحسب الحاجات دي علي يوم واحد بس.. يعني تمن ساعات نوم.. ست ساعات شغل.. ساعة أكل.. ونص ساعة تواليت.. ساعة إلا ربع مسلسل.. بالإعلانات يبقي ساعة ونص.. ده لو كنت متابع مسلسل واحد.. نص ساعة تقليب في زراير الريموت علي ما تقرر اللي أنت عايز تشوفه.. ساعة علي الأقل علي ما توصل الشغل.. وزيها وأنت راجع.. طبعا الحسبة دي لو كنت بتشتغل يوم الجمعة والشوارع فاضية.. بس خلينا نقول ساعة رايح وساعة راجع مجازا.. طبعا ده من غير الإشارات، وإلا هابقي خيالي.. ومعاك نص جبنة.. قصدي نص ساعة فرجة علي خلق الله في الإشارات.. ونص ساعة بتدور علي ركنة.. ونقول ربع نميمة وربع حقد وربع سرحان وربع تفخيد في الشغل.. وخمس دقايق في كل صلاة سواء كنت مسلم أو مسيحي.. يعني خمسة وعشرين دقيقة عبادة.. قول نص ساعة بتفتكر فيهم ربنا.. وعندك يا سيدي ساعة ترفيه.. بلاي استيشن بقي أو قعدة علي القهوة أو بولة استميشن.. يا خبر.. أنا نسيت الموبيلات.. ربع ميسدات مثلا.. وساعة استقبال وإرسال.. وربع استهبال وهزار.. وربع حموم لو بتستحمي كل يوم.. ما تيجوا نحسب كده.. علشان مادوشكوش بحسابات.. أنا هاحسب وأقولكوا الإجمالي علطول.. ولو مش واثقين فيا.. إبقوا إحسبوا ورايا.. الإجمالي يا سيدي طلع.. 24. 45. . أربعة وعشرين ساعة وخمسة وأربعين دقيقة.. يعني خمسة وأربعين دقيقة زيادة عن الساعات اللي خلقها ربنا في اليوم الطبيعي.. يومنا مش مكفي.. يا نهار أحوس.. أمال هانلاقي فين وقت للتفكير والإبداع.. وقت للتأمل.. وقت للسعادة والفرح والقعاد مع العيال.. وقت لزيارة الأهل وصلة الرحم....؟! واضح إننا محتاجين وقت إضافي يا جماعة.

انقر هنا لقراءة الخبر من مصدره.