بكاء على "الثورة اللي راحت" على تويتر بعد رفض الطعن المقدم من أيمن نور لإعادة محاكمته

ردود الفعل المستنكرة لرفض الطعن المقدم من أيمن نور لإعادة محاكمته في قضية تزوير توكيلات حزب الغد، ركزت على أن هذا الحكم هو أول الغيث الذي سيتبعه سيل منهمر من القرارات والأحكام التي لا تعبر عن روح الثورة، وأن النظام الحالي يعيد نفس سياسات نظام مبارك، على الرغم من أن الكثيرين مقتنعين بأن أيمن نور مخطئ إلا أنهم في الوقت نفسه شعروا أن الحكم جاء مسيسا.
وقد تنوعت أساليب التعبير عن رفض الحكم والسخرية من الواقع الذي تعيشه مصر، وجاءت أبرز ردود مستخدمي تويتر المتعجبين من قرار المحكمة على النحو التالي.
العزل السياسي طلع احول بدل مايمنع الفلول منع ايمن نور -- صباح الثورة @MRANGER2
معنى استمرار قرار نظام مبارك بحرمان ايمن نور من حقوقه السياسية لانه قل ادبه و رشح نفسه قدام مبارك..يعني ان النظام مازال "حيه" وحياً!؟ @Shadizm
فى الوقت اللى بنطالب فيه بالعزل السياسى للفلول ، تحكم المحكمة بعزل ايمن نور ، سيدى القاضى انت بتبلبع ايه قبل الحكم؟ @RA_Othman
يعني ايه كوك زيرو يعني ايمن نور مينفعش يترشح والفلول بس هم اللي يترشحوا ................. احنا في زمن الفلول @elbazscience
لما ايمن نور يبقى اول واحد يتعمله عزل سياسى ... يبقى انا اكيد فى انتظار ترشح جمال مبارك للرئاسة @Fe2a
عايزين زغروطة كبيرة يا بنات علشان قانون العزل اتطيق علي ايمن نور اول واحد .. وبالنسبة للشباب المتحمس ...عايزين شخرة جماعية @imortaalthing
غريبة يا مصر ايمن نور يصبح فلول وعبد الرحيم الغول وامثاله يصبح شباب ثورة @hassanaboali9
انا مش بحب ايمن نور , بس اول ما عرفت الحكم ده مش عارف ليه جه فى دماغى صوره مبارك و هو مطلعلنا صباعه الوسطانى @heshamserry
قصة ايمن نور فكرنى بعزل اردوجان خمس سنين بس ده كان صاحبه مستنيه و اتنازله عن منصبه اول ما الخمس سنين خلصوا.مين صاحبك يا نور؟ @Jacquelinemik
ثورة زيرو يعني ايمن نور اللى وقف فى وش مبارك و اتسجن يحرم من ممارسة حقوقة السياسيةوعبود الزمر يؤسس حزب و ينزل انتخابات @cezarno
القضاء يرفض اعادة محاكمة ايمن نور !!! مبروك عالثورة !!! قالك عملنا ثورة !!! طب وانا ها توقفوني في المطار تاني إمتى علشان أجهز نفسي ؟؟؟ @waelabbas
المجلس السمكري ملاقاش حد فاسد في الحزب الوطني فقام عزل ايمن نور سياسياً..ايه ياض يا مجلس الحلاوة والجمال والروعة دي @ibo3D
أما أبرز الآراء التي انتقدت حالة الرفض العام للحكم، فجاءت على النحو التالي:
هو ايمن نور مش كان واخد افراج صحى اعتقد ان حالته الصحية اتحسنت دلوقتى وبعدرفض النقض بتاعه يبقى المفروض يرجع السجن؟ @fathysaad
انا مش عارف الناس زعلانة ليه من الحكم على ايمن نور .. ليس معنى انه كان خارج السلطة الا يكون فاسد ...انا بصراحة مصدق حكم القضاء @3mad7mdy
سؤال برئ: الناس اللي بتسب في القضاء و تصف تأييد الحكم ضد ايمن نور بالاوصاف البذيئة... ما هو دليلهم و بما يبرروا انعدام موضوعيتهم؟ @samehgaawan
أنا مش فلول و ما بحبش ايمن نور @Kenzy__n
ان كان فعلا هناك شىء محزن، فهو ان ايمن نور ضحك على الشعب المصرى @HefnyMaged