طريقه عمل الكانيلونى

المقادير
+كوب ونصف دقيق
+ أثنين ونصف كوب حليب سائل
+ثلاث ملاعق زبده طريه { او سمن }
+2 بيض
ملح +فلفل +قليل من الهيل
و يمكن مضاعفة الكمية حسب الرغبة
الطريقة:
نخلط جميع المقادير جيدا و نقلب كويس
جدا لحد ما يمتزجوا كويس اوي
و بعدين نصفى الخليط من خلال مصفاة
رفيعة عشان متكلكعش
و بعدها هيكون الخليط سائل و سميك
حاجة بسيطة وكل ما يكون القوام رقيق يكون الطعم أخف وألذ
بعد كده نجيب طاسة تيفال صغيرة
و نحط فيها نقطتين زيت و نسخنها ع النار وبعدين ناخد مقدار فنجان قهوة
من الخليط بتاعنا حتي يصبح مقدار كل قرص
متساوي وبنفس الحجم ونضعها بشويش فى نص الطاسة
نحرك الطاسة لحد ما الخليط يغطى كل مساحة الطاسة
و نتأكد ان الخليط اتفرد كويس,عشان نحصل على قرص كامل
, كأننا بنعمل بيض أومليت
نسيبه على نار متوسطة لحد ما يبدأ يستوى
, و ده هنعرفه لما نلاقى الحروف نشفت وابتدت تعلا عن الطاسة
وكمان لما نحرك الطاسة,القرص يتحرك معانا