وائل جسار مشغول بتصوير خليني ذكرى و موجوع

بعد نجاح ألبومه الجديد "كل دقيقة شخصية"، بيستعد المطرب وائل جسار الفترة اللي جاية انه يصور أغنيتين من البومه الجديد...وائل هيصور اليومين اللي جايين أغنية "خليني ذكرى" في لبنان من كلمات نبيل خلف وألحان سمير صفير، ده غير ان جسار قرر انه يصور أغنية "موجوع" باعتبارها اقرب الاغاني لقلبه .... ولغاية دلوقتي وائل ما استقرش علي المخرج اللي حيخرج الكليبات دي ... ومن ناحية تانية حقق ألبوم "كل دقيقة شخصية" لوائل جسار أعلى نسبة مبيعات وحقق مبيعات حوالي 100 ألف نسخة في الأسبوع الرابع من نزوله السوق وقدر انه يكون في المركز التاني في مبيعات فيريجين ميجا ستورز في مصر ...
وكان وائل أتعاون في الألبوم مع مجموعة من الشعراء هم نادر عبد الله، أيمن بهجت قمر، محمد البوغا، بدر الجميل، د.نبيل خلف، والملحنين اللي اتعاون معاهم هم محمد يحيي، وليد سعد، محمود خيامي، وسيم بستاني، سمير صفير، ومن الموزعين أسامة الهندي، أحمد إبراهيم، خالد نبيل، عادل عايش.ومن اغاني الألبوم التانية " في خطوتك سكتي، نعيش الحب، للأسف بنحب بعض، خديني معاكي مشوارك".
المصدر :