شعبولا لو اصبحت رئيسا:ساجعل الشعب يشرب مايريد

المطرب الشعبي شعبان عبد الرحيم أكد تأييده لثورة 25 يناير، وبرر تقديمه للأغنية التي هاجم فيها البرادعي بأنه لم يكن يفهم شيئاً في بداية الثورة قائلاً" أنا زى أي واحد في البلد مكنتش فاهم حاجة في أول الثورة، وكنت حاسس إن البلد بتتخرب بسبب الفوضى والسرقة في الشوارع والبيوت، وكنت حاسس إن البرادعي هو السبب"
شعبولا برر علاقته برجال النظام السابق موضحاً أنها نشأت بحكم عمله كمطرب قائلاً " كانوا بيدعوني في حفلات أولادهم، وأضاف "وبعدين مين كان يتوقع اللي حصل في البلد ده وكلنا بنتعامل معهم علي أنهم ناس في البلد وأنهم هما دول الناس الكبار في البلد"
أما عن علاقته الخاصة بزكريا عزمي فقال شعبان-في حوار له مع جريدة الوفد المصرية-" علاقتي بزكريا عزمي بدأت من خلال أخيه اللواء يحيي عزمي هو حبيبي وأنا كنت حضرت أفراح تبعه كتير وهو اللي عرفني بزكريا عزمي"، وأضاف "الرجل ده أنا مشفتش منه حاجة وحشة وأكلت عيش وملح في بيته يبقي هو لما يغلط ذنبي أنا أيه، أنا متلونتش زى ناس كتير أتلونوا، أنا عندي أصل واللي بحبهم هفضل أحبهم واللي غلط يتحمل مسئولية غلطته ويحاسب ويدفع ثمن غلطته"
وعند سؤاله حول أهم قراراته حال ترشحه للرئاسة وفوزه في الانتخابات بمنصب رئيس الجمهورية، قال شعبان " أنا لو بقيت رئيس جمهورية مصر أول حاجة هعملها حسيب كل واحد يعمل كل حاجة هو عايزها ومش همنع أي حاجة وهصدر قرار «اللي عايز يعمل حاجة يعملها واللي عايز يشرب حاجة يشربها» وهسيب كل واحد لضميره وأهم حاجة إن الناس متتخانقش مع جيرانها"