عندي مبدأ كده سمعته مره من مدير ليا ... مديري قالي ان الإدارة في الأساس إتيكيت وحسن تعامل مع الناس ولو انا مش بتعامل مع الناس بشياكه مش هعرف اوصل لاهدافي ... والتعامل بشياكه مع الموظفين والعملاء علي حد سواء من باب الشياكه ميصحش خالص اني ابعت ال Cv من غير Cover Letter ميصحش خالص. طب هو الCover letter دا اهميته ايه؟؟؟؟ أولا: وعلشان أنا بحب الشياكة، فالخطاب ده من باب الشياكة والإتيكيت. ثانيا: فيه فرصة إني أقول أنا عايز أشتغل إيه وأتكلم باختصار عن ليه الشركة ممكن تاخدني. ثالثا: هم علمونا كده، علمونا إن السيرة الذاتية بيكون معاها جواب مرفق. السؤال الي دايما بتسألو ؟؟؟؟ اكتب ايه في الجواب دا؟؟؟؟ الحقيقة الجواب ده شكله بيختلف عن السيرة الذاتية، بيكون جواب عادي. طبعا تاريخ وتحية و3 فقرات، كل فقرة من 3 ل 5 سطور ... فيهم إيه؟أنا قبل ما أبتدي أكتب الجواب ده، أسترجع مهاراتي في كتابة موضوعات التعبير، من أولى إعدادي لحد 3 ثانوي ومدرسين العربي طالع عينهم يعلمونا أكتب موضوع تعبير ازاي، وشرحه في الإنجليزي، الناس دي كانت بتتعب معانا أوي، المهم هم علمونا إننا نحدد العناصر، وبعدين أبتدي أكتب في العناصر دي مع مراعاة الترتيب المنطقي، طب يعني أكتب إيه؟هنبتدي الفقرة الأولى، أكتب أنا مين وعرفت الوظيفة دي منين وعايز أشتغل إيه، بس كده. اللي بعده أتكلم عن خبراتي ومهاراتي وإنجازاتي، برضه من 3 ل 5 سطور، بلاش نطول علشان بتاع الموارد البشرية خلقه ضيق بيزهق بسرعة، يعني يا بخت من زار وخفف. الأخير بقى، أقول إني منتظر موعد، وممكن تكلموني على الأرقام دي أو على البريد الإلكتروني ده. وخاتمة وتوقيع،خلص الخطاب.طيب إيه اللي آخد بالي منه وأنا باكتب الجواب ده؟ •تأكد من عدم وجود أخطاء إملائية أو نحوية. •اطبع الجواب على طابعة محترمة لو هسلمه بالبريد أو باليد. •الجواب ده أنت بتبيع فيه نفسك وتظهر كيف ستكون إمكانياتك ومهاراتك مفيدة لتحقيق أهداف الشركة، وأنت وشطارتك. •استخدمstandard format. •استخدم single line space بين السطور و doubleبين الفقرات. • يجب أن يكون جوابك قصير لايزيد عن صفحة. •اجعل فقراتك قصيرة وفى الموضوع، خير الكلام ما قل ودل، وبكده نكون خلصنا كلام عن السيرة الذاتية والخطاب المرفق وازاي ندور على شغل وازاي نسوق نفسنا.