بطعم الفرحة.."طلَّعت روحنا ياسلطان"

"دلوقتى بس حسيت بمعنى قول الله "فى يوم كان مقداره خمسين ألف سنة".. كان هذا واحد من التعليقات التي انتشرت على الفيس بوك أثناء المؤتمر الصحفي للجنة العليا للإنتخابات، وبعد كلمة فاروق سلطان الطويلة لإعلان من هو رئيس مصر القادم...
- بدأت آكل.. تفضلوا معايا.. لمن يدفع التوتر للدخول إلى المطبخ
- ينتعك بالسلااامة يا نتيجة!!!
- وكأنها نتيجة امتحان ثانوية عامة بتاعة واحد ثانوي صنايع مذاكرش قبل ما يدخله وبعد ما خرج اكتشف ان مفيش تصحيح لأنهم نسيوا يعملوا نموذج للإجابة وهو اصلا عايز يهاجر!
- هو ده الذل ...للي مجربش الذل قبل كده
- شكله كده شفيق.. إيه كل المبررات دي ياجماعة...
- الله يخرب بيت اللجنة اللى فلقتنا بيها يا شيخ
- فاروق سلطان.. كلمنا عن طفولتك
- هاشم صقر: حد يفكرني هو ده مؤتمر إعلان نتيجة الرئيس ولا قصة كفاح اللجنة الرئاسية !! .
- وصلنا للجولة الأولى يا مهون يارب
- هي دي مشكلة اللي أهله ماسمعهوش وهو صغير، اهو طلع علي الشعب كله.
أساحبي: طب عليا الطلاق انا ما فاكر ولا كلمة من اللى قالوا ,,
ومش هنفتكر حاجه يابااااااااااا انجز
- ثم ماتت اللجنة.. ومات البطل.. ومات مخرج الفيلم وكل فريق العمل
حرااااااااااااااااااااااااااااااااااااااااااااااام
- خروج الموظفين مبكرا، وتأخر وقت اعلان النتيجة، كلها طرق للعب بالاعصاب ولحرب نفسية على الشعب المصرى.. ألا فاثبتوا..ألا فاثبتوا
- المتوكلون على الله لا يجزعون.. بل يصدّرون ثباتهم لمن حولهم
اللهم انا نثق فى حكمك...فثبتنا وانصرنا.
- يا شعب مصر العظيم ..مبرووووووووك