بالفيديو . ابراهيم حسن : ماحدش يتكلم عن اسيادة وهانهاجر عشان ترتاحوا

هاجم ابراهيم حسن مدير الكرة السابق بالنادى المصرى كل وسائل الاعلام والمتصلين بالبرامج وقال " ان البرامج بتحاول تحقيق نسبة مشاهدة على حساب اسيادهم وان كل من هب ودب هيجيب سيرة اسيادهم وده اللى مودى البلد دى فى داهيه ".
وقال انه تعب هو وحسام بسبب الهجوم عليهم وانهم لا يحتاجوا الى شكر وان العيب على مسئولى الاهلى وعلى سيد عبد الحفيظ لانهم لم يقولوا فى حقهم اى شئ .
واضاف ابراهيم فى مداخله مع برنامج مساء الانوار " هل نحن السبب فى احداث مباراة الاهلى وكيما اسوان وهل نحن السبب فى احداث مباراة المحلة وهل كنا موجودين فى كل كوارث مصر .
وواصل انهم متربين كويس وان مشكلتهم انهم اتخلقوا فى وقت مش وقتهم وانه لما حد يجيب سيرتهم يتكلم عنهم كويس وانهم اتخنقوا خلاص من اللى بيحصل معاهم .
واشار ان كل اللى نزل الملعب لو لقوا كبير مكانوش نزلوا وان البلطجية لو شعرت انه يوجد شرطة كانت لم تجرأ على دخول الملعب من اصله .
وقال انه لولاه هو وشقيقه ما كان فريق الاهلى بالكامل موجود على قيد الحياة وانهم هم اللى حموا مانويل جوزيه ولكن لو حد عنده ضمير كان خرج وقال هما عملوا ايه .
وهاجم محمد يوسف مدرب الاهلى بسبب التعدى عليه بالسب وقال انه كان بيقوله يا ابيه لما كان بيلعب معاه فى الاهلى .
واكد ابراهيم ان مصطفى عفروتو لاعب الاهلى قال له انهم بيربوهم على كره حسام وابراهيم حسن وانه للمرة المليون هما اللى اطردوا من الاهلى .