بابا ناصر رفعنا فوق الحرية .. حرر بلدي ووداني الكلية بابا ناصر زرع أرضي بالرفاهية .. قضي ع الإقطاع وادي الفلاح ملكية .. وبذور قطنية بني سدنا العالي .. امم قناتنا .. ورمم قناطرنا الخيرية عايز تبقي مصري .. لازم تعرف الناصرية دي كرامة بلدي كلها في الناصرية مهما اتكلموا عنه وشوهوه .. احنا عارفين دا كله منهم شوك عارفين انه حب كبير وقاطع الزور .. وما كان عليهم الا تزويد الشوق شفت الدموع ياما في عيون ولاده .. قربت منهم وسالتهم قالوا مصر ماجابت ! .. اصل اللي هدتنا زي ناصر في الكون غابت ماتقلش مات ولا ميٌت .. دانا شفته امبارح في الشارع شفته في البنت والولد بالتحرير ثاير رافع راسه وعارف انها حتنضرب ومش خايف ماتجيش تقولي فين النخوة ولا الكرامة .. انا شفتها في كل دم سايل اعرف يا عالم اننا من اصل مصري نادر ماهو بردوا ابو خالد قاللنا : انا الحاضر الغايب شوف الجمال وسمي قبل ماتبوح باسمه دا احنا جمالنا كان ناصر .. وفي قلوبنا دايم نقدر نقول برضه انه لسه موجود بينا استسمحك بقي كدا ونتركه .. خليه كدا يرتاح شوية بقي دي روحه الغالية في السما حارسة لنا نعم حارسانا لانه الحاضر الغائب .. والغائب الحاضر