الرئيس يصدق علي مقترحات محلب لحل مشاكل النوبة

جهاز لتنمية جنوب الوادي .. وأبنية مطابقة في 44 قرية

أكد الرئيس عبدالفتاح السيسي أن كل ما طرحه المهندس ابراهيم محلب مساعد رئيس الجمهورية لحل قضايا النوبة تم التصديق عليه فوراً.
قال الرئيس السيسي في مداخلة له خلال الجلسة الثانية من مؤتمر الشباب المنعقد في أسوان لا أحد يتصور أننا منتبهون لكل المصريين بما فيهم النوبة في الوقت الراهن فقط. إن كل القضايا والمشاكل الموجودة في النوبة هي أحد مسئوليات مساعد رئيس الجمهورية المهندس ابراهيم محلب. وكل ما يعرضه وكل ما يطلب مني بخصوص مشاكل النوبة تم التصديق عليه فوراً.
علق المهندس محلب قائلا : "أسبوعيا يرفع تقرير للرئيس السيسي لعمل اللجنة التي تضم اللواء أحمد جمال الدين وفايزة أبوالنجا ومحافظ أسوان". لافتا إلي أن الرئيس صدق في قرية الجنينة والشباك علي إنشاء منطقة صناعية. وبالتنسيق مع رئيس الوزراء تم رصد 44 مليون جنيه للمرافق.
أضاف محلب "كانت هناك مشكلة في 44 قرية بالنوبة. وتم عمل مسح كامل لهذه القري لمركز بحوث البني ووزارة الإسكان وتم الانتهاء من تلك التقارير بحيث سيتم انشاء كل المباني في ال 44 قرية مطابقة للمواصفات. فضلا عن ترميم بعض المباني.
أشار إلي أن هيئة التخطيط العمراني تقوم حاليا بتخطيط مشروع مدينة كركر الجديدة. وتم عرض المشروع علي الأهالي في المنطقة وحين يكتمل سيتم الاعلان عنه. موضحا أن الرئيس السيسي اعتمد مشروعات المياه والصرف الصحي في 44 قرية بالنوبة.
أكد محلب أن الرئيس السيسي صدق علي إنشاء جهاز لتنمية جنوب الوادي.
وكانت إحدي سيدات النوبة قد قالت إنها تأمل في أن يتم تنفيذ كل الوعود الخاصة بأهالي النوبة في عهد الرئيس السيسي. كما طالبت بإنشاء مصنع في مركز نصر النوبة.
قال الرئيس عبدالفتاح السيسي في مداخلة له عقب انتهاء مساعد رئيس الجمهورية ابراهيم محلب من حديثه "أنا هتكلم عن النوبة تاني استنوا بس كان ممكن قوي أقول حاضر للكلام الذي قالته الست بدور وخلاص والإعلان ساعة الخطاب بتاعي يتقال فيه الكلام كله. وأضاف "لكن أود أن أكرر أن الهدف من هذه اللقاءات عدم إعطاء الفرصة لأصحاب الفتن. اللي عايزين يدخلوا الدولة في مشاكل ومواجهات مع بعضها البعض. أقول لها لا خلي بالك ياست بدور. أنا منتبه قوي لكل المشاكل الموجودة. وإذا كان يقال إن هناك 44 قرية من قري النوبة يتم عمل صرف صحي لها. هيقولي طب أنت بتعالج مشكلة الصرف الصحي في النوبة 100% وأنت معملتش كده مع محافظات الصعيد أو باقي محافظات الدولة. أيوه صح. أنا معملتش كده ليه. أنا لقيت إن حد بيحاول يدخل علي أهلي في النوبة ويعطي لهم انطباعا ليس حقيقيا بأن الدولة مهملة لهم عشان يعمل مشكلة للبلد استني لو سمحت. أنا لما بقولكم كلام. أنا بقول كلام له قيمه اسمعوه ناس عايزة تعمل فتن للبلد ديه. وتدخلنا في صراعات ملهاش لازمة وبالتالي كان لابد أن أقول إن إحنا هنخلص كل المشاكل اللي في النوبة" وتابع السيسي "طب أقولكم حاجة الكلام ده مش بدأ بيا بدأ من قبل مني كان هناك 1500 وحدة سكنية تم تسليمها في 2011 زي ما قلت كده أحنا نطلع نشوف اللي ساكنين المصرف بتاع كيما 1500 قرية دول كان منها ساكن بالفعل رغم أنه تم تخصيصها من 2011 اسمع انت خليك أمين مع نفسك بقول تاني ال 1500 مسكن دول إذا كان فيها 300 مسكن ناس عايشة جواها بالفعل بما فيها المخبز والمستشفي والمدرسة وكل شيء. ده كان معمول قبل مني أنا مش الدولة احنا الدولة اللي قبل مننا. وأردف قائلا "أنا منتبه أن الدولة بتحاول تعوض أهالي النوبة اللي قدمت الأمان والسلام من أرضها أو من أرض كانت عايشة فيها لصالح بناء السد العالي الذي أمن مصر كلها. فاحنا مش ناسيين ده. ولن ننساه. ولكن ما أقوله ثانية خلي بالكوا أنا بتكلم الكلام ده وبستدعي بعض المسائل المحددة لينا كلنا يا مصريين. أنا جئت إلي هنا عشان كده. عشان تفهموا. وأضاف "ياساتر علي أهل الشر وتخطيطها وترتيبها لإيذائنا كلنا. ويستخدمونا لنأكل بعضنا البعض. ويقول لك خلي بالك ده مش سائل فيك. خلي بالكو دول مش واخدين بالهم منكم. خلي بالك ده مبيأكلكش خلي بالك ده مبيعلمكش بس لم يقال لك خلي بالك إنك فقير قوي محدش قالك إنك أنت فقير قوي لا يا ياريت حد يقولك إن أحنا فقراء قوي فقراء قوي اسمع الكلام أحنا بنقول لكم المرض يبقي أحنا هنصمد يبقي احنا هنكافح يبقي احنا هنبني يبقي احنا هنقولهم إن بالرغم من فقرنا هنطلع للأمام ونبقي كبار وسيبكوا من الكلام ده".