"الحداد الرسمي".. مطلب رولا سعد لتكريم الشحرورة

عبّرت الفنانة اللبنانية رولا سعد، عن صدمتها لوفاة الشحرورة.
وطالبت رولا، الحكومة، بإعلان حالة الحداد العام، تكريما لذكرى هذه الفنانة العظيمة والبصمة الكبيرة في عالم الفن. وحتى لا يمر الحدث في صمت، مثلما حدث مع الفنان الكبير وديع الصافي، الذي لم يشعر برحيله أحد.
وعبر صفحتها الرسمية على موقع التواصل الاجتماعي فيس بوك، قالت رولا: "كل محبي الشحرورة صباح والفن اللبناني والعربي الأصيل، كلنا لازم نطالب بحداد رسمي من الدولة للسيدة صباح، عيب علينا ما نكرم عمالقتنا، سوريا أعلنت الحداد ليومين ونحن لا، هالفنانة الشامخة متل ارزتنا اللي رفعت اسم لبنان بالعالم كلو أكتر من ستين سنة ما بتستحق التكريم بيوم رحيلا؟ وإنو نعلن الحداد عليا".
وتابعت: "ليش كبارنا بدن يرحلوا ع السكت، رحيل العملاق وديع الصافى بصمت وجعنا، مش لازم نسمح اليوم ترحل صبوحتنا كمان بصمت".
وناشدت محبي صباح في كل مكان: "علّوا الصوت وطالبوا بالحداد الرسمي، مش عيب إنو ما حدا تحرك، بعض الإذاعات والتلفزيونات ذاعت وعرضت أغانى الصبوحة ويمكن كل الجرايد كتبت عنا وكمان المجلات والمواقع الإلكترونية، بس هالشي ما بكفى، بدنا حداد رسمى.. لكل محبى صباح ما تقبلوا ترحل بصمت، كونوا صوت واحد وطالبوا بحداد رسمي بالبلد".