بسبب سعيد صالح.. نشوى مصطفى تهاجم الجمهور

هاجمت الفنانة نشوى مصطفى الجمهور بسبب تعبيرهم عن تقديرهم للراحل سعيد صالح، بعد وفاته، وليس خلال وجوده على قيد الحياة.
وكتبت على حسابها بموقع "فيس بوك": "فيها إيه لو نبيّن لبعض إننا بنحب بعض وإحنا عايشين هو لازم نموت علشان نعرف إحنا غاليين أد إيه عند الناس اللي بتحبنا لو سمحتم اللي بيحبني يقول لي من دلوقتي مش هقدر استني لما أموت لأني مش ضامنة حيكون عندي فوق أيباد أقدر أقرى عليه تعليقاتكم ولا لأ".
وأضافت نشوى: "يارب سعيد صالح يكون شايف أد إيه الناس بتحبه يمكن ده يمسح الجفاء اللي حس بيه في آخر فترة في حياته أنا بحبك يا أستاذ سعيد".
وكان سعيد صالح قد وافته المنية يوم الجمعة الماضي عن عمر يناهز ال 76 عاماً، وتم دفن جثمان الفقيد فى مسقط رأسه بقرية "مجريا" بمحافظة المنوفية، وذلك بناء على وصيته، وأقيم العزاء يوم الثلاثاء الماضي في مسجد عمر مكرم.