تقفيل ميزانية

تلاتين ستة... تقفيل ميزانية، لحظات ثورية، موسم للبلطجية .. ولّا ايه؟!
ده في كل حتة... فيه ناس بتهدد وناس بتندد وناس تتنهد...
عايزين ايه؟! فيه ناس تقول ثورة إسلامية، وناس تقول ماتت سلمية!
تمرُّد تجرُّد تفرُّد تعرُّض، مضيت لك خمسة ولّا ستة؟ هو في ايه؟!
- خد لك جنب يا بيه. - هتقفي مع مين يا وليه! جيش ولا شرطة،
معارضة ولّا سلطة، إسلامي ولا علماني، ماهو كله ليك فيه!
بس أنا بقى ماليش فيه!
هو اليوم ده نزل في كتاب؟ ولّا إبليس هياخد الغياب؟!
ما أحلى التبرُّد في الصيف الهباب!
خلّي اللي يثور يثور، واللي يغور يغور، واللي يرد يصد يشيل الطين!
الكهربا قاطعة والمحبس بيلعبوا فيه، متخرجونيش من طابور العيش والبنزين!
عايزيني أسخن معاكو ننزل نشيل سوا ميتين؟! ياخي يلعن تلاتين! أنا بصراحة مش طايق خنقة وحرقة دم وضغط يعلى وخناق وسباب!
أنا عن نفسي، ريحت نفسي، وشايفها فتنة وهقعد في بيتنا... والحق على المعتدي، والحق على الكذاب!