مؤلف فيلم "على جثتي" يرد على متهميه بالسرقة

على الرغم من النجاح الكبير الذي حققه فيلم "على جثتي" للنجم أحمد حلمي، وحصاده 4 ملايين جنيه في أول أسبوع عرض، تعرّض الفيلم لهجوم البعض على خلفية اقتباس فكرته من فيلم أجنبي.
وقد صرّح د.تامر إبراهيم، مؤلف الفيلم، أن الفيلم مقتبس بالفعل من الفيلم الأجنبي Just Like Heaven الذي أدّى أدوار البطولة فيه النجوم بطولة ريس ويزرسبون، ومارك روفالو، وتم إنتاجه في عام 2006.
وعبر صفحته الشخصية على موقع التواصل الاجتماعي فيس بوك، كتب تامر إبراهيم: "ردا على السؤال الشائع هو الفيلم مسروق من Just like Heaven فأظن الكلمة الأدق هي (مستوحى من..) لو مسروق كنت هكتب فيلم عن واحدة خايفة تدخل قصة حب، لكنها لما اتحوّلت لشبح حبت اللي جه يأجّر شقتها، ولما صحيت في الآخر عاشت معاه في سعادة، أنا مش ضد الاقتباس بصورة عامة، وسكورسيزي نفسه خد أول أوسكار في حياته على فيلم مقتبس، وعمري ما أنكرت إني استوحيت فيلمي من Just like heaven وكنت كاتب كده على السيناريو كمان".
وتابع: "اللي عجبهم الفيلم أشكرهم وأقول لهم الحمد لله إنه عجبكم، واللي ماعجبهمش أقول لهم أوعدكم هعمل كل اللي أقدر عليه عشان الجاي يكون أحسن، وما أكررش فيه أي غلطة من الغلطات اللي غلطتها المرة دي، واللي بيقروا لي من زمان أعتقد فاكرين أول رواية ليّ "300 دقيقة" بالفضايح اللي كانت فيها، لكن أعتقد إني اتعلّمت بعدها كتير وده اللي هعمله في مجال السيناريو، زي ما عملت في الروايات.. شكرا لكل اللي كتب رأيه وهيكتبه خلال الأيام اللي جاية".