في انفعال شديد إثر حادث أسيوط الذي راح ضحيته 51 طفلا ، انقد الإعلامي عمرو أديب سياسية حكومة هشام قنديل في برنامجه "القاهرة اليوم". قال أديب: "إنتوا كلكم بما فيكم أنا، إحنا شعب فاشل وإحنا منسواش حاجة خالص هل الناس اللى بتحكم البلد، قد الحكاية؟ هو إنتوا تقدروا على الحكم هو انتوا بتتعلموا فينا، البلد زى الزفت والبلد كبيرة جدا عليك يا سيادة الرئيس وطالما أنك غير قادر على إدارة البلاد فعليك أن ترحل". وأضاف أديب :"رئيس الوزراء لازم يمشى، الراجل ده لازم يمشى، هذا رجل أضعف بكثير مما نتخيل، وأقول لوزير الإعلام إنت زيك زى أنس الفقى فالنظام السابق كان فاشل وأنت فاشل وريحوا ضميركوا وافرحوا بفوز الأهلى وريح ضميرك واكتب تويتة وقول يجب أن يرحل قنديل فأوسخ بلد فى العالم تعرف يعنى إيه مزلقان"، مضيفاً:" ثمن الطفل 5000 جنيه ده أرخص من الموبايل وانتوا مش شاطرين غير فى رمى كل شىء على النظام السابق". واستكمل أديب هجومه: " رئيس الوزراء لازم يمشى ومش هسكت غير لما يمشى وابقوا اقفلوا البرنامج ده هو كمان والصعايدة قالوا احنا اللى جبنا الريس واحنا اللى هنمشيه فالدماء على مقدمة القطار وهذا يوضح حجم الفشل الذى لا يمكن أن يحدث فى أى دولة فى العالم إلا عندنا وأين كان يجلس الحيوان بتاع المزلقان وكلكم فشلة وقتلة". وقال أديب: "رئيس الوزراء أصغر من تحمل مسئولية البلاد وأيه الضعف والفشل اللى إحنا فيه ولماذا متمسك بقنديل؟ والحرية والعدالة نفسها شايفه إنه رئيس وزراء فاشل"، لافتا إلى أن الكتاتنى قال إن البلاد مليئة بالفساد وإنه إرث كبير فكيف تقول هذا وأنت الذى تحكم وكان يجب أن ينقل هؤلاء الأطفال ليعالجوا فى أفضل مستشفيات العالم فالأطباء أغلقوا على أنفسهم خوفا من الأهالى وهناك أسر مات منهم أكثر من طفل بسبب الإهمال". ليصل انفعال أديب للذروة قائلا: "إذا كنت ترى أنك غير قادر على حكم البلاد فاتركها فالأهالى اليوم جمعت أشلاء أبنائهم من أسفل عجلات القطار ليدفنوهم، إنتوا بتتعلموا الحكم فينا واكذب علينا زى اللى قبلك وقول لنا كلمتين تريحنا والناس يوم ورا الآخر يشعرون بعدم الأمل وإنت بتعمل إيه دلوقتى. يجب أن نرى رئيس وزراء آخر قادر على حكم البلاد فلو مات اتنين أو تلاتة فى أى بلد حوالينا الدنيا تتقلب، فيه ستات النهاردة بتكلم نفسها على ما حدث، أنتم جميعاً فشلة".