بالصور..على غرار مسلسل الزوجة الرابعة: هشام قنديل للمصريين: البسوا قطن.. المصريون: ما نحبهوش.. قنديل: أحبوه

بعد البيان الذي أصدره هشام قنديل رئيس الوزراء، شارحا فيه الأسباب التي تؤدي إلي الانقطاع المتكرر للكهرباء، سخر الفيسبوكيون مما تضمنه البيان من نصح للمصريين بارتداء الملابس القطنية و اجتماع أفراد العائلة الواحدة في غرفة لا أكثر، ترشيدا للكهرباء.
ومن هنا، انطلقت التعليقات المضحكة على تصريحات قنديل خاصة وأنها جاءت في توقيت عرض اعلان قطونيل بكثرة علي شاشات التليفزيون:
- طبقا لكلام قنديل، لو اتقفشت مع واحدة وانتوا لابسين ملابس قطنية في نفس الأوضة لو الضابط قالك بتعمل ايه يا روح أمك ؟ قوله بوفر كهربا يا باشا
- ولما النور يقطع في العمل تبقي غلطة الموظفين علشان ملبسوش ملابس قطنية واتجمعوا في غرفة واحدة ولتكن غرفة"السي أي أو"
- واحد بيقول لصاحبه حلمت أن أبويا الله يرحمه لابس أبيض في أبيض حاجات قطن كده.. قاله يبقى الكهربا حتقطع عندكوا النهاردة
- اشتكينا من الزبالة، قالولنا انزلوا نظفوا انتوا، اشتكينا من الكهربا قالك البسوا قطن، المصيبة بقى تشتكي من الصرف الصحي يقولك البسوا بامبرز !
- لما رئيس الوزراء يقول إن حل أزمة الكهرباء إنك تلبس ملابس قطن أحب أقوله يبقى مكانك مش هنا. البنك الأهلي هيساعدك تفتح محل ملابس داخلية
- ?هشام? قنديل للمصريين: البسوا قطن.. المصريون: ما نحبهوش.. قنديل: أحبوه.. المصريون: ما نحبهوش.. قنديل: علشان خاطر النهضة أحبوه
- في السنة اللي أمريكا نزلت مركبتها علي المريخ، رئيس وزراء مصر بيطالب المواطنين أن يقلعوا ملط و يلبسوا بوكسرات قطن ويقعدوا في أوضة واحدة
-عندنا رئيس حكومة جديدة بدل ما يطلع و يقول هنحل و هنحاول و فيه محطات جديدة ... يطلع يقول اقعدوا بملابس داخلية فى غرفة واحدة و الترشيد هيبقى اجبارى من غير ما يتكلم عن حلول جذرية و مش عايزنا نتريق ... مصيبة ايه السودة دى
- اقترح : قنديل تخفيف التكيف ل 25 درجة مئوية واجتماع الاسرة في غرفة واحدة مع ارتداء ملابس قطنية، السؤال .. افرض مش طايقين بعض
- يطالب المصريين بارتداء ملابس قطنية والتجمع بغرفة واحدة لترشيد الكهرباء ، انهضوا واقعدوا في اوضة واحدة
- حاعمل فيلم أسميه ولا كان في النية البس ملابس قطنية