غادة عبد الرازق: انتظروا حكايتي مع عم حسن !

عبر مدونتها الرسمية على ناس mbc أعلنت الفنانة غادة عبد الرازق أنها ترفض التكهنات والحديث المبالغ فيه عن أجرها، كما تحدثت عن مسلسلها المقبل وعن دورها فيه.
تقول غادة: "كتير جدا أقرأ في الجرايد أن اجر غادة عبد الرازق كذا وكذا وأرقام مبالغة جدا.. أنا عايزة أقول إن كل الأرقام اللي بتتكتب دى ما هي إلا هانس في دنس يعنى أرقام مش صح."
وحول المسلسل تقول غادة عبد الرازق: "أنا مبسوطة جدا بمسلسل (سمارة) لأنه رابع عمل مع السينارست الجميل مصطفى محرم بعد عائلة الحاج متولي اللي عرفني بالجمهور بشكل كبير ومسلسل الباطنية وآخر عمل كان بينا هو زهرة وأزواجها الخمسة وأنا بحب العمل معاه لأنه واعي جدا كما انه إنسان يمتلك خبرة كبيرة تؤهله لأن يخرج من أبطال أعماله الكثير والكثير".
وأكملت: "كتير بيربطوا بين مسلسل سماره وبين الفيلم اللي يحمل نفس الاسم وقامت ببطولته الرائعة تحية كاريوكا وأنا بقول هنا أن العملين مختلفين مفيش علاقة بينهم يعنى كل المسلسل كده مفيهوش من الفيلم شيء غير اسمي في المسلسل واسم المعلم سلطان اللي هيجسده عم حسن حسني، وأنا سعيدة بالعمل مع عم حسن وان فيه مشاهد كتير أوى هتجمع بينا فانتظروا حكايتنا سوا يا رب المسلسل إن شاء الله يعجب الناس لأننا بنتعب فيه أوى أوى أوى."