صاحبة مقال "تغمز بعينك ياسيسي": فواتير الكهرباء نار ودفعت 2800 جنيه

اشتكت الكاتبة الصحفية غادة شريف، صاحبة المقال الشهير عقب الانقلاب العسكري "تغمز بعينك يا سيسي"، من فاتورة الكهرباء، مؤكدة أن ما يحدث هو عملية نصب.
وكتبت غادة- عبر صفحتها على فيسبوك- "هو النصب بتاع شركة الكهرباء ده مالوش نهاية؟ ازاى تبقى الفاتورة اللى تجيلى لشهر سبتمبر اللى ما فاتش منه غير أسبوع تبقى 2798 جنيها.. يعنى 2800 جنيه؟، لأ والمحصل ولماضته يقولى إن فاتورة سبتمبر بتحصل استهلاك نص 7 ونص 8".
وأضافت غادة قائلة: "طب إذا كنت أنا دفعت فاتورة 7 و8 وماكانوش كده!.. ثم إن أصلا محدش كان قاعد فى الشقة لا فى شهر 7 ولا 8 ولا 9!.. يعنى مفيش أى استهلاك من أى نوع!، ده غير إن النور رجع يقطع بانتظام فى المعادى! ده إيه النصب ده؟!".
وتابعت غادة قائلة: "كل ده علشان تلموا فلوس للعاصمة الإدارية؟ ما هو لما يبقى مفيش خدمة عِدلة والنور رجع يقطع تانى.. تبقى الفلوس دى بتودوها فين؟!".