بعد قليل.. تفعيل مليونية مقاطعة شركات الاتصالات في مصر

تصدّر هاشتاج "مليونية مقاطعة شركات الاتصالات" مواقع التواصل الاجتماعي، بعد الدعوة التي أطلقتها صفحة "ثورة الإنترنت" على موقع التواصل الاجتماعي "فيسبوك" للمطالبة بتحسين الخدمة، وتخفيض الأسعار بدلًا من صرف الملايين على الإعلانات، مطالبة بإغلاق الهواتف المحمولة من الساعة 5 مساء إلى العاشرة مساء.

نصح صاحب حساب "محمد راغب": "يا جماعة لازم نشيل الشريحة من 5 لحد 10 مساء، يعني مانكتفيش بس بقفل الموبايل، للأسباب كالتالي: - المقاطعة بكل بساطة مش إنك تقفل موبايلك، المقاطعة يعني إنك تفك موبايلك وتشيل الشريحة من الموبايل أصلا، عارفين ليه عشان ميكونش في أي ربط بين Sim والبرج اللي بيبعتلها الإرسال، عشان حتى لو أنت تليفونك مقفول صدقني كدا كدا الشريحة مرتبطة بأقرب برج بيبعتلها إرسال.مضيفاً:"المقاطعة بكل معانيها تكمن في الشيء ده إنك تشيل الشريحة وبكده أنت بتقلل rate الأساسي في شركة المحمول اللي أنت تابع ليها، وبتهز موقع الشركة في السوق المالي".
وتابع :"لو حد قالي: ما أنت كدا بتضر الورقة المالية بتاعتها في البورصة المصرية وبتدمر اقتصاد بلدك، أرجع أقوله: لا هما اللي اضطرونا إننا نفكر التفكير ده".

وقال أحد المستخدمين: "هنقفل تليفوناتنا من الساعة 5 مساءً لحد الساعة 10 مساءً ونشيل الشريحة اعتراضًا على سوء خدمات الاتصالات والإنترنت، النهاردة الخمس ساعات دول لو تمت على نطاق كبير الشركات هتخسر ملايين، وهتعرف أنا إحنا القوة وأن كلامنا هو اللي لازم يمشي وغصب عنها أسعار النت هتنزل والسرعات هتزيد زي ما ثورة الإنترنت طلبت، متسكتش على حقك و كفاية سلبية".
وكتب آخر: "أنا قافل موبايلات بيتنا كلها النهارده من 5 ل 10"، وعلق "عزيز": "متضامن مع حملة مليونية مقاطعة شركات الاتصالات، وهقاطع وهقفل تليفوني من 5 إلى 10 مساء النهارده خليك إيجابي وشارك".
وقال آخر :"محدش يقدر ينكر أن فعلًا الشبكات زي الزفت وفي استغلال جامد وعشان كدا إحنا لازم نقف مع بعض وننفذ المقاطعة".