تضرر أصحاب محلات البقالة بالإسماعيلية بسبب انقطاع الكهرباء

تضرر مواطنو مراكز وقرى محافظة الإسماعيلية خاصة أصحاب محلات البقالة بسبب انقطاع الكهرباء المستمر، الذى سبب لهم خسائر كبيرة، وشكا المواطنون من زيادة فواتير الكهرباء.
من جانبه قال عبده مصطفى- صاحب سوبر ماركت-: "الكهرباء تقطع خمس أو ست مرات فى اليوم.. وكل مرة تستمر ساعة أو ساعة ونصف والثلاجة اتحرقت وفاتورة الكهرباء جاتلنا ب1300 جنيه".
وقالت أم عبد الرحمن -صاحبة محل بقالة-: "بسبب انقطاع الكهرباء المستمر الآيس كريم باظ والأولاد بيشتروه ويرجعوه تانى لما يلاقوه سايح".
وأضافت: "تسبب انقطاع الكهرباء فى تعطيل ثلاث ثلاجات ومش عارفين نصلحها علشان مفيش فلوس معانا".
وفى نفس السياق شكت الحاجة أم محمد من انقطاع الكهرباء قائلة: "لا الناس عارفة تشوف شغلها ولا العيال هتعرف تذاكر وهنعمل إيه بعد ما قالوا الحال هينصلح ومنصلحش".