بالفيديو.. "ضنك" تطلق حملة للامتناع عن دفع فواتير الكهرباء

أطلقت حركة "ضنك"حملة شعبية تحت شعار "خليه قاطع .. أنا مش دافع" دعت فيها جميع المواطنين على مستوى الجمهورية للامتناع عن دفع فواتير الكهرباء لحكومة الانقلاب العسكري، احتجاجا على استمرار انقطاع التيار الكهربائي لساعات بشكل غير مسبوق في مصر، ورفضا للزيادة الكبيرة التي أقرتها حكومة الانقلاب العسكري في أسعار الكهرباء.
وفي مؤتمر صحفي بثته الحركة على قناتها على موقع يوتيوب، قال المتحدث الرسمي باسم الحركة "بسم الله، بسم الغلابة والمطحونين، تطلق حركة "ضنك:
(دعوة لكل ربة أسرة النور بيقطع عليها في عز الحر بالساعات.
لكل عامل مصنع مش عارف يحقق كشف انتاجة بسبب قطع الكهرباء.
لكل تاجر بضاعته باظت في التلاجات بسبب قطع الكهرباء.
لكل صاحب عمل شغله واقف بسبب قطع كهرباء بال 12 ساعة في اليوم الواحد.
لكل محدود دخل أسعار الكهرباء زادت عليه ومرتبه لسه زي ماهو.
لكل فقير مش عارف يأكل عياله والحكومة رفعت الدعم عنه حتى في الكهربا.
دعوة ل 40 مليون مصري تحت خط الفقر، دعوة لكل مصر للامتناع عن دفع فواتير الكهربا اللي رفعوا عنها الدعم ورغم كده مش لاقينها، دعوة تحت عنوان "خليه قاطع.. أنا مش دافع)
وتابع بيان الحركة: "من النهاردة هانمتنع عن دفع فواتير الكهربا اللي زادت الضعف ومش بتشتغل إلا بالصدفة، من النهاردة ها اللي بتقطع بال 12 ساعة في بعض الأماكن، ومش بتقطع ولا ساعة واحد في مكاتب البشوات اللي حاكمين، وقصور الأغنياء اللي دافعين".
وأوضح المتحدث باسم الحركة أن "الامتناع عن الدفع هايعمل أزمة سيولة عند الحكومة وهايحسوا بالأزمة اللي مش حاسس بيها غير الفقير والغلبان، على الحكومة أنها تعرف أن شعب مصر مش فران تجارب للحكومات، تجرب فيه نظريات فاشلة للإدارة ويدفع تمن أخطأها الشعب فقط، وتتحمل مسئوليتها في حل أزمة الكهربا بأسعارتناسب الجميع، أو ترحل وتسيب اللي يحس بالغلبان هو اللي يدير"
وتوعدت الحركة حكومة الانقلاب العسكري، بخطوات تصعيدية جديدة، في حالة عدم الانصياع لطلبات الحركة والتي تعتبرها الحركة أنها مطالب الشعب المصري.