إلى كل محصلى الكهرباء لف وارجع تانى مش دافعين

«مش دافع».. حملة دشنها تحالف القوى الثورية تدعو للتوقف عن دفع فواتير الكهرباء عن شهر مايو بعد قطع الكهرباء فى المحافظات المختلفة بشكل متكرر بداية من الشهر الحالى.. وانتقلت فعاليات الحملة على مواقع التواصل الاجتماعى فى شكل دعوات ولافتات تطالب محصل الكهرباء بالتراجع عن طَرق الأبواب، فالحكومة تبرر قطع الكهرباء لتخفيف الأحمال. الحكومة والشعب بدوره يرفض دفع الفواتير نظرًا لسوء الخدمة.. وتنوعت تعليقات النشطاء الساخرة على النحو التالي:

- حملة مش دافع «لو مُحصل الكهربا جه» ثورة ثورة بجد مش الايجابية دى نتاج ثورتنا العظيمة.
- أنا هنزل شرطة الكهربا أعمل محضر مش ساكت ومش دافع فاتورة.
- طب إحنا لو مدفعناش فاتورة الكهرباء هيعملوا أيه هيقطعوا الكهربا.. قال يعنى هما بيسبوها.
- أهى جت الأيام اللى «الفلول» هما اللى بيعملوا مبادرة « مش دافع» عشان الكهرباء.
- الحكومة تعتذر عن قطع الكهرباء.. نظرًا لتخفيف الأحمال ويتقدم الشعب بخالص الاعتذار للحكومة عن دفع الفواتير.. نظرًا لتقليل المصاريف.
- قاضى مبارك: لا أتمكن من قراءة القضية جيدا بسبب انقطاع الكهرباء الدائم.
- إلى كل محصلى الكهرباء فى مصر: لف وارجع تانى.. مش دافعين. «مفيش فاتورة طول انقطاع الكهرباء.. ومش دافعين رسوم قمامة «كفاية استهبال»!