رسالة ل

دشن عدد من طلاب الجامعات المصرية حملة "إضراب عن الامتحانات"، معلنين امتناعهم عن خوض امتحانات نصف المقرر بدؤها 28 ديسمبر الجارى، احتجاجًا على قتل داخلية الانقلاب لعدد من زملائهم وإصابة واعتقال آخرين، ولاقى قرار الطلاب ترحيبا واسعا على مواقع التواصل الاجتماعى من النشطاء وباقى طلاب الجامعات.
وتبنت الصفحة الرسمية لطلاب ضد الانقلاب على "فيس بوك" الحشد للإضراب، وطرحت تساؤلا على روادها جاء فيه: "اكتب اسم طالب زميلك تعرفه فى الكلية معتقل ومش هايحضر الامتحانات" وانهالت الردود بغزارة لترصد حجم معاناة آلاف الطلاب خلف سجون الانقلاب.
وشهدت المشاركات والتعليقات على قرار الإضراب زخما واسعا بدأ بسرد دوافع الإضراب، حيث ذكروا منها: "يعنى إيه إضراب عن دخول الامتحانات؟ يعنى محدش يجى يكلمنى أن سنة ممكن تضيع منى ف حين أن ف طلاب هيضيع منهم 17 سنة، يعنى محدش يجى يكلمنى ف سنة ف حين أن ف جامعتى بيها أكثر من 100 شهيد و1500 معتقل منهم البنين والبنات مجبناش لسه حقهم، يعنى محدش يجى يكلمنى ف سنة وإحنا عمال وأمن ودكاترة جامعتنا ضربنا جواها ومجبناش حقنا".
وأضافوا: "الإضراب يعنى محدش يجى يكلمنى ف سنة وكلاب الداخلية ضربتنا جوا الجامعة وجوا المدينة الجامعية كمان، يعنى محدش يجى يكلمنى ف سنة وبلدنا بتتسرق مننا وسنين عمرنا كلها بتضيع مننا مش سنة واحدة، ومحدش برده يجى يقنعنى أنه عنده أسباب عشان يخلص دراسته ف أقرب وقت عشان ظروف عنده كلنا عندنا ظروف أصعب من بعض تحتم علينا نخلص دراستنا بس أصلا إزاى يجيلنا قلب نحلم بمستقبلنا وف غيرنا كانوا زينا واتحرموا من مستقبلهم".
وأطلق الطلاب هاشتاج على "فيس بوك" بعنوان "إضراب عام" و"بأمر الطلاب"، ورفعوا عدة شعارات منها: افتكر فى الامتحان.. صاحبك خطفه جبان، الظلم مش هيعود.. وسلطتك بتزول، أكتب ف ورقة الامتحان... احنا ليه بنتهان؟!، ف الامتحان.. ليه أحضر؟ لما آخرتى رصاصة غدر!، بالطلاب.. سينكسر الانقلاب، مفيش امتحانات.. طول ما أصحابنا ف المعتقلات، إضراب.. لتحقيق مطالب الطلاب، لسة الطالب هو الحل، على ف سجنك واحبس فينا.. عمر ما سجنك هييكفينا، الشكر للأحرار الذين يواصلون الكفاح.. مش هنمتحن على دم اخواتنا.
وتحت شعار: "الطلاب يقولون كلمتهم لن نشارك بالامتحانات على جثث زملائنا" حدد الطلاب مطالبهم فى: القصاص من قتلة الطالب محمد رضا والطالب عبد الغنى محمد وكل قاتلى شهداء الطلاب، خروج كافة الطلاب المعتقلين، إقالة وزير التعليم العالى، إسقاط كل الإجراءات التعسفية ضد الطلاب من مجالس تأديب وفصل تعنتى وإخلاء للمدينة الجامعية، إزالة كل القيود أمام العمل والنشاط الطلابى داخل الجامعات.
فى سياق آخر، نظم طلاب مظاهرة إلكترونية ضد السفارة الأمريكية فى مصر على صفحتها ب"فيس بوك" وكتبوا باللغتين العربية والإنجليزية: "تسقط أمريكا راعية الانقلاب، الانقلاب هو الإرهاب، سيسى قاتل، سيسى خاين، رابعة فى القلب، Anti_coup، No_CC، Sisi_killer، Stop_Sponsoring_Coups، Coup_is_Terrorism، R4BIA".