نفسى أجيب للعدالة ميزانة رقمية توزن جرام الدهب مية على مية ولا ليها إيد ترتشى ولا تعليمات جاية وتنطق الحكم يمشى على وزارة الداخلية ويقف عليها وزير يحكم بشرع الله يحكم بحكم الميزان ولا ليهم ولا ليه * * * * * * نفسى أجيب للعدالة سيف يكون حامى من صلب ملهوش مثيل يتسن قدامى يقطع رقبة التخين ولو كان المقام سامى أطرش وأعمى ويقتل لص وحرامى يجرى فى رقاب النور يدبح يمين وشمال ويجز جدر العفن اللى صبح نامى * * * * * * نفسى أجيب للعدالة فارس يكون سياف ولا كان فى يوم اتهزم ولا كان فى يوم بيخاف راضى بحلال لقمته مغمسه أو حاف أوامره م اللى خلق الجنة والأعراف يقطع رقبة الغجر يفصلها م اللغلوغ يرحمنا من ظلمهم ويؤدب الأجلاف * * * * * * نفسى أجيب للعدالة ولد أنا عارفه فارس ملوش مصلحة وعارف ربنا وشايفه وملوش وزير يعزمه ولا حد بيضايفه ولا كرشه واسع ولا له يخت فى مصايفه ولا عاش حياته رقيع بين أهله ومعارفه يحكم بحكمة عمر يجرى ورا النسوان * * * * * * سهران أنادى وأقول واتمنى من نفسى لا عايز أبقى وزير ولا عايز نفوذ كرسى ولا نفسى فى مركبة على قلب الفقير ترسى ولا عايز أسرق بنوك ولا أمشى ما بين حرسى أنا نفسى بس أشوف العدل فين ما أمشى وأشوف فلان كان رئيس لو مرة من نفسى سيد أحمد الهمشرى [email protected]
