نفسى العدالة تطبق كلها وكل فرد ياخد حقوقه والمحتاج للقمة يوصل لها وطباخ السم لازم يدوقه والكل سواسية فى المعاملة يعنى اللى فوق زى اللى تحت ومافيش رشاوى أو مجاملة لجل مسؤول ياكلها سحت نفسى أشوف كل الخلايق عايشة حياتها فى عز وهنا والناس سعيدة وبالها رايق بدون مشاكل حامدين ربنا نفسى مرة أشوف وزير بعد خدمة عشرين سنة قدم لبلده أعمال كتير لها قيمة وخدمت شعبنا نفسى نرجع للمبادئ اللى عشنا عليها أيام زمان وأى شعب كان له مساوئ حكومته سلبت منه الأمان نفسى الطريق يكون ممهد لأى فرد محتاج لخدمة وأشوف موظف ماهوش معقد بيأدى عمله بكل همة يارب لىَّ طلبات كتيرة معلق عليها كل الآمال أولها مصر تفضل كبيرة وتانيها نكسب القرش الحلال السيد أحمد على الإسكندرية - فيكتوريا
