فلسطين جواها خصوم أسماك بتاكل بعضيها كما عمورية وسدوم واطيها هيركب أعاليها شايفين ع الأسطح بوم وفران سارحة ف حواريها *** فتح متربصة بحماس وحماس قامت بانقلاب فاكرين كليب وجساس والبسوس وصوت الكلاب دى خيبة ضحيتها الناس والخراب قاعد ع الباب *** مش عارفينكو كام فصيل شغال من غير تخطيط كل همكو التحصيل مقابل خلط وتخبيط تقوم إسرائيل فى الأصيل بهد الجدار والحيط *** مطلوب نبذ الخلافات وتخليكو راجل واحد وبلاش تبقم باشاوات من فلوس جاية تساعد كلوا وهاتوا سلاح وحاجات مافيش حد فيكم خالد *** مرة واحدة تبقو وحدة يهابكوا العدو المغرور وإياكم تمضوا معاهدة وتظنوا العدو هيغور عداكم قاعدين لكو قعدة والنية يطفوا النور *** جيبوا رجال ينهوا الأزمة ويهدوا كيان بطال يدوا العايب بالجزمة والأهل تعود فى الحال وتعيش فى سلام الأمة بعد الخوف والإذلال على قاسم -المكس - إسكندرية