رامي صبري ردا على منتقديه: "شكرا.. استمروا.. عايز أنجح أكتر"

رد الفنان رامي صبري على الانتقادات التى أطلقها عدد من متابعيه عبر موقع التواصل الاجتماعى الشهير "إنستجرام" واصفينه ب"تقليد عمرو دياب" فى ألبومه الجديد "أجمل ليالي عمري".
وقال صبري، عبر حسابه على إنستجرام: "لو الناس تعرف قد أيه أنا بحب شغلي وبجتهد فيه وبتعب جدا عشان أعملهم حاجة محترمة هيقدروا تعبي، شكرًا لكل إنسان قال كلمة حلوة في حقي وقدر مجهودي أنا وزمايلي".
وأضاف: "شكرًا للي اتكلم كلمة وحشة في حقي.. وكله عند الله سبحانه وتعالى.. والحمدلله إن ربنا جعلهم سببا في انتشار ألبومي بالسرعة دى على كل المواقع.. شكرًا للانتقاد.. وشكرًا للنجاح.. وهو ده المقصود.. استمروا في الانتقادات عايز أنجح أكتر".