والد شهيد سيناء في بني سويف: "أمانة ربنا وخدها تاني.. وابني مات بطل"

اتشحت قرية باروط التابعة لمركز بنى سويف بالسواد، وتعالت صرخات النساء وبكاء الأهالى والأطفال، حزنًا على استشهاد محمد سلامة عويس ميهوب، 21 سنة، مجند بالقوات المسلحة، فى هجوم إرهابى على عدة أكمنة بسيناء.
سادت حالة من الغضب بين الأهالى، عقب تلقيهم نبأ استشهاد نجلهم، والذى نزل كالصعاقة عليهم بحسب وصف محمود جمال، أحد أبناء القرية، قائلا "إحنا اتفاجئنا بالخبر النهاردة، الشهيد طول عمره كان راجل وابن موت وعمره ما زعل حد ولا أذى حد، حيث أجمع الجميع هنا على دماثة خلقه، وعلاقتة الطيبة بأقرانه وجيرانه، وأنة كان متأهباً لإنهاء خدمته العسكرية، استعدادا للممارسة دورة فى الحياة المدنية والزواج".
وقال والد الشهيد "الحمد لله على كل حال، دى أمانة وربنا استردها منى تانى، ومش كتير على مصر إن ابنى يموت شهيد فداها، هو مش أقل من زمايله، ابنى كان راجل وعمره ما هاب الموت، ومات واقف على رجليه، كان فاضله أيام وينهي فترة تجنيده".
وأضاف والد الشهيد "آخر مرة شوفته كان من شهرين، وطلب مننا نشوفله عروسة، عشان ينزل يخطبها، لأن فترة جيشه خلاص كانت بتشطب، والمفترض إنه كان ينزل أجازتين تانى وخلاص، لكن مش مكتبولى إنى أشوفه تانى، الحمد لله على كل حال قدره ونصيه وعمره"، مشيرا إلى أن الشهيد ترتيبه الثالث بين أشقائه الذكور، ولديه 9 من الأخوة".
ومن المقرر أن تشيع جنازة الشهيد فور وصول جثمانه للقرية من المسجد الشرقى، اليوم الخميس.