رشا سامي العدل تكشف سبب إدارتها لعربة طعام في دهب: «بكسب لقمة حلال»

كشفت الفنانة رشا سامي العدل عن قيامها بإدارة مشروع عربية للطعام في مدينة دهب بعيدا عن العمل الفني، وذلك بسبب ابتعاد المخرجين والمنتجين عنها في الفترة الأخيرة.
رشا سامي العدل: مش بلوم أي حد على قلة عملي
وقالت رشا في فيديو لها عبر صفحتها الرسمية على فيس بوك: «الموضوع ده بفكر فيه من شوية وأنا في دهب، أنا ممكن أساعد ازاي في دهب، جيت دهب في شهر 7 اللي فات وقررت أشتغل، والناس عارفة أني ممثلة، بس أنا مش بشتغل كتير، أنا نقابية ومش بحب ألقي اللوم على حد، لكن النقابة على عيني وعلى راسي، وكل اللي بيطلع لي من النقابة هو الكارنية، وأنا عندي تأمين صحي وأقدر أروح لدكتور وأخد دواء بسعر مخفض، ولا ألقي اللوم على أصدقائي المخرجين والمنتجين ورحت طلبت شغل وهما متحركوش عشان كل واحد حر».
أضافت: «كفاية أجي على نفسي عشان خاطر ولادي، أنا تمردت على بيتي وعلى ماما وأولادي وأي حاجة مش مريحاني مش هقبلها، والقرار ده ريحني جدا، من شهر 7 اللي فات بصلح من نفسي، كلنا بناخد قرارات غلط».
تابعت: «اخطأت كتير فى حياتي عشان اتجوزت مرتين غلط، مش هلومهم، واللي بعمله دلوقتي عشان أكسب لقمة حلال، وأنا مش بركب التريند عشان أنا كتبت عن المشروع ده من فترة طويلة».
رشا سامي العدل: غلطت مرتين في حياتي بسبب الزواج
اختتمت: «سهل جدا أخد فلوس من أهلي، ومحدش هيتأخر عليا، بس أنا هعمل اللي ربنا يقدرني عليه، إذا كان في دهب أو القاهرة أو أي مكان في الدنيا».