قوافل الشماتين

يا خلق ليه مكروبين؟
ده إحنا لسَّانا بنحبى
القمح والله ضنين
والزاد يا دوب يكفى
ما تظلموش اللى شال الهَم
وحماكم ونجّى ولدى
ده يا دوب شق القنال
والمىّ لسّاها بحرى
والعود لسّاه صَغِير
والفاس ما فَارِقش يَدى
الشمس فوق الجِبين
والعَرَق سوّى رَقبتى
يا اللى ع الناى تِزَمِر
بكفاية لحن الشّماتة
ويا اللى بِتعِد الخطايا
بكفاية عد ولتاتة
قوم اصلُب عِضامك
قوم انحت رحاية
سوّى لولادك طحين
لجل نبطّل شحاتة
اوعاك فى يوم تكسل
وتستمرى النطاعة
وبلاه رمى الكلام
ملعون صوت الشماتة