عاجبك ولادك اللي حبوا نفسهم وماحبوكيش عاجبك سنين عمرك تضيع من غير ربيع وانتي اللي علمتي التاريخ أيام ماكان لساه رضيع نوَّرتي قدامه الطريق علشان يشوف ... وماينكفيش يامصر قومي واغضبي لمي ولادك واضربي على إيد ولاد ماحبوكيش عايزينك انتي تركعي وانتي اللي على طول الزمن مابتركعيش **** يا مصر ياسنين الطفولة والصبا وخطوة شباب دبت على أرضك وإيد مسكت سحاب يا مصر يا أول شعاع يدخل ف قلبي ويخطفه لبنت الجيران ... أيام زمان يا دمعة نزلت جوه قلبي ف يوم ... فراق لساها فيا معلمة .... ولحظة لقى جمعت قلوب متفرقة على مركبة ف النيل ف ليل القاهرة والشط حاضن ميته ومن فرحته يعزف على فروع الشجر مواويل **** آه يا بلدنا يا حلمنا مابننساكيش أرسل مقالك للنشر هنا وتجنب ما يجرح المشاعر والمقدسات والآداب العامة [email protected]