«نداء إلى السيد الرئيس عبدالفتاح السيسى، أنا عاوز أبقى مسئول عن أى مسرح مهجور تابع للحكومة فى القاهرة لمدة 3 سنين، معايا فرقة مسرح جدعان، نقدر نجدده ونظبطه تماماً ونقدّم عروض محترمة، ونجيب فلوس معقولة للدولة، ممكن؟».. هكذا وجه على قنديل، ممثل مسرح، رسالة إلى رئيس الجمهورية، عبر صفحته على موقع «فيس بوك»، مطالباً المسئولين بتوفير مسرح تابع للدولة لمساعدة الشباب على تقديم عروض من خلال حملة «عايز مسرح»: «عندى طموح ألف مصر كلها وأكسر المركزية، الناس متعطشة للفن فى الأقاليم، بس بسبب الإمكانيات والظروف مقدرتش أكمل حلمى». الشاب العشرينى، لم يطمح لإعادة الحياة المسرحية إلى الحياة من جديد بمفرده، بل إنه ينتمى إلى جيل كبير من الشباب يريد فتح مجال للفنون المستقلة من جديد: «أنا معايا فريق قوى جداً وعندنا خطة هتفرح عدد كبير من الشباب الموهوب اللى قابلته فى المحافظات، واللى مش لاقى حد يدعمه عشان يظهر مواهبه، وصوتنا هيوصل سوا من هنا لحد المسرح اللى هتدهولنا الدولة»، ويستكمل: «المسرح مش للمحترفين أو الموهوبين أو الهواة أو المهتمين بالمسرح بس، ده لكل مصرى عايز فن راقى، ولكل واحد مصدق إن المسرح والفن النبيل أفضل وسيلة لتنظيف الشارع». لم يكن حلم إنشاء مسرح يقتصر على المهتمين بالثقافة والعروض المسرحية، بل إن «قنديل» تلقى اتصالات من فئات مختلفة من المواطنين لعرض مساعدتهم: «كلمنى مُحاسبين قانونيين ومحامين ومهندسين ومقاولين وعدد كبير مستنّى يرمم ويكبر مسرح مُحترم يليق باسم مصر». «قنديل» لم يبال بالانتقادات التى وجهت له عقب النداء الذى وجهه لرئيس الجمهورية، بعد أن وصفه البعض بأن يتودد للنظام من أجل تحقيق مطالب شخصية: «الناس كانت شيفانى بطبل عشان مصلحة فردية، يا أهلاً بالتطبيل لو هنعمل حاجة عشان مصلحة البلد»، ويستكمل: «الصيغة اللى كتبت بيها الرسالة كانت من مسئول لمسئول، من مسئول عن أحلام شباب كتير، لمسئول عن الدولة، ثم أنا بطلب حقى».